十姑娘回憶錄之

Name:
Location: Hong Kong

Friday, November 10, 2006

十姑娘回憶錄之與魔鬼同行…

壹週刊 2006-04-27
十姑娘爆內幕
十姑娘何婉琪與九哥賭王何鴻燊,○一年就澳娛股息起紛爭,自此反目。結果十姑娘被賭王踢出澳娛董事局,兼入稟除去股東身份。十姑娘多次登報追討澳娛歸還約三十億累積盈餘及股息,何鴻燊則隔空向她冷嘲熱諷。近年鮮有露面的十姑娘,最近準備出英文版自傳。本刊今期率先刊登部分自傳內容。越南開賭場
「為了尊重事實的真相,不容有人竄改歷史,所以出自傳(英語版)。」十姑娘說。她在六十年代以一個女性身份投資二百萬元進軍澳門賭業,其中內幕,鮮為人知。
在六十年代,男女地位並不平等,但十姑娘當年毅然投資二百萬巨額金錢投資賭業,為何她投資又要經葉德利入股澳娛?為何保持緘默四十多年的十姑娘會作出反抗?
罕有接受訪問的十姑娘說:「第二次世界大戰,當時香港淪陷,被日軍佔領,我被迫停學,當時爸爸同三哥(何鴻展)四哥(何鴻威)已經越南做緊生意,我同Teddy Yip(葉德利,註一)同Peter杜(註二)好辛苦先可以喺香港坐船去澳門再到廣州灣出發,坐法國貨船去越南河內,再坐火車到西貢。當時葉德利追Sussie(十一妹何婉婉),Peter追我,幾個人喺西貢成日一齊。」
但青年男女遊樂與經營賭場看來並無關係,十姑娘解釋:「Peter係香港永安公司家族後人,但佢白手興家,喺西貢有一個娛樂場,只不過係換代幣玩小玩意,贏咗禮物再去換番錢都賺大錢。後來佢想正式搞一個賭牌,係經我同當時越南皇帝寶大皇傾,因為我同寶大皇交情好好,攞到牌就開『大世界賭場』,生意更加好,年年賺大錢。所以雖然我冇直接參與,但對賭場生意都好清楚好了解,正式喺澳門開一個賭場有咩可能冇錢賺?所以六一年我敢投資二百萬喺澳門開賭場。」
十姑娘曾到越南取經,但賭王何鴻燊竟從未有接觸賭業,十姑娘表示當時何鴻燊結識了一個日本人(註三),對方高薪僱用他在澳門工作,何鴻燊亦欣然接受,所以何鴻燊未有跟隨父親到越南。十姑娘說:「屋企一向衣食無憂,根本冇需要同日本人打工,所以媽媽好唔開心……」當年香港淪陷,三年零八個月的恐怖生活,令市民對日本人十分抗拒,當時與日本人友好均會被人視為漢奸,更莫論替日本人工作。
霍英東自傳中曾提及十姑娘是創立澳娛的最大股東,但資料顯示,十姑娘現時只是持有約八巴仙股份,而根據霍英東說何鴻燊當時分文未有付出,至今竟成為其中大股東,六二年澳娛開業至今四十多年內裡發生了什麼事?

投資二百萬
十姑娘解釋說:「我一個婦道人家,加上當年咁細個,點會自己去澳門投賭牌?其實係葉漢(註四)一直想投資澳門賭場生意,亦曾經試過入標競投賭牌,可惜佢只有開賭經驗,人面、金錢、關係、實力不足,加上又是中國人,所以葡國澳門政府認定佢中標,亦冇能力開建賭場,就次次拒絕;一九六一年賭牌又開始投標,葉漢這次志在必得,就找Teddy(葉德利)幫忙,Teddy再搵Stanley(何鴻燊),Stanley又搵霍英東,四個人幾經波折終於投得賭牌。」
十姑娘表示當年雖然取得賭牌,但富有的霍英東對賭業沒興趣,只肯把改善港口工程的費用當作投資,沒有足夠現金,賭場必定難以開始運作。當時葉德利已與十一姑娘何婉婉結婚,與十姑娘更見親厚,靈機一觸就找當時在何東公司工作的十姑娘想辦法,十姑娘認同葉漢與葉德利的計劃,所以即時與何鴻章商量,何鴻章二話不說就給十姑娘二百萬。
十姑娘與何鴻燊份屬兄妹,為何十姑娘投資澳門賭場又要經葉德利?不用自己名字注資?

何鴻燊要威要面
十姑娘說:「情形比較複雜……Stanley當時以自認何東爵士後人為傲,但其實我同佢都只係何東爵士弟弟何福嗰孫同孫女。五七年身為何東爵士長子嫡孫的何鴻章回港後,大家都知道他才是何東家族真正掌舵人,加上何鴻章在美國喬治頓大學畢業(多屆美國總統都是該校校友),而Stanley只香港大學讀一陣未有耐畢業;加上何鴻章回港初期,Stanley以為同一家族,可以有望染指何東家族的地產生意,不過何鴻章長年在外國生活,唔同有啲中國人咁用人唯親,他處事公私分明,令Stanley只能有機會參與極小部分,大部分重要項目都冇份參與。可能覺得喺朋友間失威,如果聽到錢由何鴻章度嚟……佢咁要威要面,無謂俾佢知道吖……(你可以用自己名投資?)小朋友,我當年啱啱做嘢,話我有二百萬都冇人信啦。」

當時葉德利公司的老闆黃先生是東南亞糖業大亨,十分富有,葉德利與十姑娘商量後,決定說資金是由黃老闆親戚所出,避免各人尷尬。
當年十姑娘還辦了一張名字契約,增加了一個名字叫「黃萬里」,「黃萬里」與葉德利合組公司,十姑娘佔六成、葉德利佔四成,四成股份注明由十姑娘暫借葉德利投資,事後歸還。
二百萬元由一九六一年尾開始分期經葉德利交給何鴻燊注入公司,全部交收有收條證明。為何又要經葉德利交收,十姑娘說:「當時我仲何東公司打工,好忙又唔方便正式出面去打理賭場,所以全部委託Teddy去睇住,好多事都係經佢同三哥何鴻展(當年Stanley派遣何鴻展管理賭場業務,所以何鴻展對賭場得知很多內幕)話俾我知。」
一九五七至一九七三年十姑娘加入何東公司工作,開始了人生第一份全職工作,她的職銜雖名為秘書,實質工作範圍與行政總裁無異。為何強如十姑娘,仍被人欺壓達四十多年之久?十姑娘說:「有一日我大佬(何家長子何鴻恩)如常問我pocket money,但係話想多,我有猶疑,佢就神情奇怪咁話知道我一個秘密,佢話Stanley話佢知Michael(何東舜銘)係我同Eric(何鴻章)個仔!仲話佢兩父子咁似樣唔到我唔認。(咁你當時點做?)冇,我如常咁俾錢佢,仲俾多添,為大局想,我要守這個秘密!多年來我澳娛的股份由大股東減到現時得7.3%。」十姑娘可謂忍辱負重四十多年。(待續)
註一: 葉德利在印尼出生,是十一姑娘何婉婉的丈夫,03年7月病逝。
註二: Peter杜為上海永安公司首屆董事之一杜澤文之後人。
註三: 據《何鴻燊傳》指出,當時堂叔何世文因不懂英語,找何鴻燊幫他與日本人齊滕當翻譯,齊滕賞識何鴻燊,邀他往澳門工作,時為香港輪陷的三年零八個月。
註四: 外號「賭聖」的葉漢,曾在老牌賭王傅老榕旗下賭場工作,後與何鴻燊合作投得賭牌,但最終反目。
壹週刊 2006-05-04

賭場風雲
十姑娘何婉琪上期於本刊披露部分自傳內容,自述當年由何鴻章給她二百萬,再經妹夫葉德利入股澳娛。今期,她繼續細說澳娛歷年股權變化的經過,及澳娛未能於八十年代上市的因由。六十年代起紛爭
澳門旅遊娛樂有限公司(以下簡稱澳娛)歷年之股權變化及股東派息一向複雜和不清楚,霍英東和十姑娘曾多次質詢,但何鴻燊至今仍未正面作答。
十姑娘表示,澳娛開業之初所定股本為三百萬元,真金白銀拿錢出來投資賭場的只有她的二百萬及名伶新馬仔約三十萬(經葉漢注資澳娛)。

十姑娘說:「初初幾星期生意好到令人難以置信,葉德利同何鴻燊即時話要將酒店成本一起計落去,我由投資二百萬落澳娛賭場變為投資落整個計劃一千萬,股份即時縮水。近年我查看資料發覺根本沒有一千萬預算這回事,全部股票都注明公司只是三百萬註冊資本。」
雖然賭場開業後生意十分好,但十姑娘竟未獲任何分紅,就一直向葉德利追討。數年後十姑娘發覺許多小股東均可獲得分紅,十分氣憤,就入稟香港法院控告由她和葉德利二人之合組公司,再經合組公司向澳娛追討分紅。坊間一直以為澳娛股東間的糾紛始於二○○一年,其實早在六十年代初期,股東間已出現法律訴訟。

同是天涯淪落人
股東間之紛爭,何止十姑娘一人?十姑娘憶及當年在中環碰見新馬仔,「他每次都搖頭嘆息對我說:『我哋真係同是天涯淪落人!』」
至八十年代後期,葉德利將自己股份轉讓與澳娛,這些股份隨後一直屬澳娛名下擁有,屬於全體股東利益,但後來不知什麼原因及過程,在二○○二年,轉給一間Interdragon有限公司。根據澳娛公司章程第七條規定,任何股份轉讓先要徵詢原有股東是否行使優先權,要獲得股東一致同意才可進行,但十姑娘強調從沒有收到任何通知有關Interdragon有限公司的股份轉讓之事。
十姑娘表示:「澳娛報稱○一年遺失股東名冊,根據澳門法例,在未完成重做股東名冊前,任何股份轉移或新股東加入,均不獲法律認可,在法庭未有最終判決前,一些沒有合法或認可地位的股東去議決公司(或其子公司)來港上市是否合法有效?根據澳娛公司章程第46條,澳娛應要歸還約三百億累積盈餘給各股東,有關此類案件之訴訟仍未有最終判決,若胡亂上市,該巨大之數目,會否將風險轉移給股民?」據聞十姑娘已將此事,經其名下基金會致函上市委員會。

延長澳娛專營權
何鴻燊意圖把澳娛上市並非始於今天,早在八十年代初,他已試圖把澳娛上市。一九八六年,澳門政府與澳娛簽署博彩專營合約的補充條約,批准澳娛的專營權延長五年由一九九七年一月一日至二○○一年十二月三十一日,跨越澳門回歸中國的歷史日期(一九九九年)。此舉令中方不滿,中方駐澳門官員向澳門政府猛烈抨擊,還拒絕出席澳娛成立二十五周年的盛大慶典,以行動杯葛澳門政府及澳娛。
該補充合約還規定澳娛股票可以上市,那時,澳門政府正籌劃成立股票交易市場以繁榮澳門經濟,何鴻燊當時還參與了澳門證券市場的籌備工作,他當時已打算把澳娛在香港或澳門上市,但後來澳門並沒有成立證券市場,澳娛到香港上市的計劃亦不了了之!
當年澳娛並無在香港上市,究竟是霍英東投訴澳娛賬目不清,還是其他原因?十姑娘將在下回分析。(待續)

壹週刊 2006-05-11

搵我笨!
外號「鬼王」的葉漢,原本於澳娛只佔三十萬元股份。
十姑娘表示,當年九哥何鴻燊為了討好葉漢,硬要她將七十萬元股份平賣給葉漢。
十姑娘為保守兒子何東舜銘是堂弟何鴻章所出的身世秘密,即使明知被搵笨,也得接受無理要求。
上市失敗

八六年澳娛計劃在香港上市為何不了了之?
由於八四年中英就香港回歸剛展開談判,情況敏感,葡國政府致函,若這時澳娛上市,而讓霍英東退出澳娛股東之列(霍英東曾表示澳娛上市即他抽身而退之日),將對澳門、中葡關係產生重大影響。由於霍英東具濃厚的中方背景,將令人產生中國不再支持澳門之感覺,嚴重影響中葡關係!故萬萬不可以讓他退股!
十姑娘表示,當時港英政府管治嚴格,亦可能是原因之一,曾經有夜總會想申請上市亦不獲批准,某些關連色情、賭博等有違道德的行業,就算業績再好,都不容許在香港上市。
「如果澳門賭業通過在香港上市集得巨資,同變相在香港開賭場有什麼分別?當時一心要將香港打造成國際金融中心的港英政府,絕不會讓備受爭議的『賭埠』名字加諸香港。」十姑娘分析道。

賣股給葉漢
話說十姑娘在香港法庭入稟控告她與葉德利二人合組的公司,追討澳娛分紅事件,到六五年出現一個初步解決方案。葉漢說主要因自己的內幕消息,澳娛才能取得賭牌(葉漢曾替傅老榕工作,知道他投賭牌的條件,故可以輕微較高條件投得賭牌),但在澳娛只佔三十萬元股份實在太少,一定要多佔一點。
十姑娘說:「我想當年澳娛只得葉漢有實際管理賭場經驗,Stanley要倚賴佢,所以Stanley話我一個女人之家,有一百二十萬元股份太多啦,女人使乜要咁多錢?何鴻章又大把錢……硬要我賣七十萬元股份俾葉漢,如果我應承,葉漢就俾番一百四十萬現金我。當時是一個又低又不合理價錢,其實股份價值在數年間已增值數十倍計,當時我仲同佢理論,嗰二百萬係我自己真金白銀攞出嚟投資,啲錢唔係媽媽爸爸俾我0既,點到佢話點就點。」

寫包單
那何鴻燊當時反應如何?
「佢跟住話你個仔Michael仲咁細個,你使乜咁緊張?」
「咁我即刻話你唔好再拉Eric(何鴻章)同佢(Michael)出講,我會賣股份俾葉漢,你以後唔好再攞呢啲嘢嚟講,但係賣咗之後,係咪以後唔再搵我笨?」

(何鴻燊有冇應承你?)
「有!佢叫我放心,仲話寫包單以後會公道分錢俾我。」
雖然賭場生意很好,年年賺大錢,卻從不分錢給十姑娘,所以十姑娘才要經香港法庭入稟控告合組公司,向澳娛追討。但因兩地法制不同,澳娛當時又掌管了澳門的經濟命脈,全澳門竟然沒有律師肯代表十姑娘!十姑娘為了保守其兒子何東舜銘身世的秘密,多年來被眾人巧取豪奪,所佔股份由40%變為5%,亦要無奈接受!至於後來怎樣由5%變回約8.3%?下回再續。

霍英東唔玩
霍英東曾表示不想染指賭業,「我同傅家(「老牌賭王」傅老榕)、高家(「押業大王」高可寧)都好老友,唔想撈過界,亦對賭業完全冇興趣。」八六年,他原本打算退股。「大家已經達成協議,價錢六億,我簽好文件就俾番何鴻燊,之後他無晒下文。我覺得那時他非常(加重語氣)不守信用,我唔明白都樣樣傾好晒啦!係就早啲縮沙,唔好出爾反爾。」直至○二年四月,他才正式將百分之廿七點七的澳娛股份(估值超過二百億港元),全部捐到基金會名下。

壹週刊 2006-05-18
何鴻燊使十姑娘錢
十姑娘與九哥何鴻燊,早於六、七十年代已就分紅事件爭拗,但何鴻燊以「我一日收咁多炸彈、恐嚇信,點解唔收多啲?」來打發她。十姑娘就引述四哥何鴻威的說話,指當年何鴻燊連包「老二」的錢,都是在她的分紅內扣出來。
食錢尾
八十年代初期,葉漢與何鴻燊不歡而散,把約10%股份賣給鄭裕彤,套現約三億元。七、八年後,葉德利把約11%澳娛股份賣給澳娛套現六億元,十姑娘真金白銀拿二百萬出來,四年內只剩約5%,後來再用二千多萬,購入葉德利賣回給澳娛之小部分股份,變為現今約佔8.3%。
十姑娘漸漸取得分紅,一部分作儲蓄,一部分作投資以備將來退休之用,日子過得甚為開心。約在暴動後一、兩年間的一個宴會上,十姑娘遇到其中一個澳娛小股東,他十分羨慕十姑娘每月可以取得大量分紅,十姑娘謙稱雖然每月有錢分,但並不是太大數目,言談間十姑娘透露了每個月的收入,對方即時露出驚訝神情說:「你有咁多股份,冇理由分得咁少,Teddy(葉德利)貼士數同好處,你都應該有得分?」
十姑娘說:「係有得分架,咪就係咁多囉。」對方即時拿出紙筆幫十姑娘計算,一計之下十姑娘發覺自己每月少收了四至五成!
原來十姑娘仍在被人搵笨,即時找何鴻燊理論,但何鴻燊說:「Winnie!做呢啲生意係咁架啦,人食錢頭、你食錢尾,冇咁多嘢講,我一日收咁多炸彈、收咁多恐嚇信,點解唔收多啲?」
十姑娘說:「你哋呢啲打理賭場0既,已經有人工收,人工仲要唔少錢,你哋喺澳門船飛、酒店任食任攞,我只不過係得嗰少少額,點解仲要收少啲?」
何鴻燊說:「做呢啲生意係咁,你一封恐嚇信都冇收過!」二人爭拗多次均未有結果,但關係已瀕臨破裂。

做闊佬
有次十姑娘到何鴻燊家裡拜祖先,何鴻燊初時並沒出現,只派三哥何鴻展出現當說客,何鴻展對十姑娘說:「佢(何鴻燊)叫我話你知,等陣見到佢唔好再追分紅0既事,否則兄妹都冇得做,但係見你提咁多次,會以後正常分番俾你,係啱係錯都係分咁多。我睇過條數,應該係差唔多,唔好再問啦,之前嗰啲都唔好再追啦,佢呢次真係好惡,我從來冇見過佢咁惡,連我做阿哥0既都驚!」
十姑娘當時覺得如果要即日解決問題,肯定會不歡而散,唯有暫時作罷,之後再作打算。
1973年十姑娘陪同子女往美國升學,後來父親何世光病逝,十姑娘回港奔喪,見到當時替何鴻燊工作的四哥何鴻威,十姑娘對四哥說:「唉!Stanley以前0既嘢唔好提啦,佢依家咪幾好,爸爸生前,佢好錫爸爸,有樓住又有工人使,有車用……」怎知四哥大笑說:「你昨日先識Stanley呀?其實係你自己做緊『闊佬』,爸爸要用幾多咪喺你分紅度扣囉,個喪禮做得咁輝煌,咪又係喺你啲錢度扣出嚟!連包『老二』啲錢都喺你度扣出嚟,總之,凡有新0既開銷,就喺你度攞咗先!哈哈……」
何鴻威再說:「係你至咁蠢0既,公司咁好生意,一年比一年好,你收0既就年年都差唔多,係你唔醒目啫。」

讀屎片
自葉德利爭拗問題解決後,這時十姑娘才恍然大悟,許多取得的支票都是由何鴻燊私人開出(直至被澳娛辭退執行董事一職,仍有部分支票由何鴻燊私人開出),這中間發生了什麼事?為什麼並非由澳娛直接開出支付?
十姑娘說:「中間一定有問題。」
於是十姑娘又要再找何鴻燊理論,但何鴻燊左閃右避,不肯正面討論問題,每次見面又有大群親友在旁,二人根本沒有機會深入討論,後來十姑娘趕着回美國前,終於得到何鴻燊的回應:「你唔好問,再問就冇得收添,兄妹都冇得做!」
所以2001年何鴻燊公開向傳媒說十姑娘欠下他逾億元,十姑娘冷笑道:「真係啞仔食黃連,我邊有本事『爭』佢錢?我自己0既分紅咁多年都收唔足,天一半、地一半,總之人善被人欺!」
直至1977年有一天,何鴻燊忽然致電十姑娘說:「喂!阿Win(對Winnie的簡稱)你要返嚟幫手,葉漢依家走咗,佢教埋班伙記扭屎忽花同駛慢軚,啲生意跌得好緊要!」

十姑娘說:「我冇打理過賭場,你有Nanette(八姑娘何婉鴻)同Louise(十三姑娘何婉穎)幫你吖。」
何鴻燊說:「唏!佢哋冇鬼用0既,要你先得。」十姑娘說:「喂,我冇佢哋啲本事同學問。」
何鴻燊說:「佢哋讀屎片,使乜要嗰啲學問呀?我夠冇讀完書,你要大學生幫你,請十個廿個都得呀!」
十姑娘說:「我啲細路哥嚟咗一陣,啱啱先入學,呢啲生意我冇打理過,又要喺澳門住,我點返得嚟呀?」
何鴻燊說:「依家生意好差,再差啲冇錢分架啦!」

不歸路
十姑娘當時心想自己生活安定、衣食無憂,最主要就是陪同子女成長,就算澳娛沒有分紅亦不會構成生活任何問題,就婉拒說要再三考慮。
不足數分鐘,電話又再次響起,何鴻燊大聲說:「喂,阿Win,你諗掂未呀?」十姑娘答:「你都俾啲時間我諗架。」
何鴻燊搶着說:「仲要撚乜嘢呀你?你唔好以為可以唔返嚟咁簡單呀!發夢冇咁早,你以為你去咗美國,人哋就唔記得咗你同Eric(何鴻章)……」
這次到十姑娘打斷何鴻燊的話柄:「即係又係舊事重提啦!你要我賣股俾葉漢嗰陣,你應承過以後唔再講……(語氣由氣憤轉為無奈)……好吖,咁你要我幾時返嚟?」
何鴻燊說:「你下星期就返工,你跟我搵食,你上次返香港提過嗰啲錢,今後有得收。」
十姑娘在何鴻燊淫威下被迫服從,她心想錢多錢少並非重要,最重要是保守兒子身世的秘密,最後唯有放下心愛的子女,獨自踏上澳門的不歸路。(待續)

隔沙賣草
霍英東在○二年的春茗上,當住何鴻燊面,指一九四八年,何經營有治胃病功能的「海人草」買賣,由霍英東與其他工人在東沙群島潛水打撈,但就由何再賣予日本人,「我是船民,不是老闆,Stanley(何)才是老闆。海人草夾雜細沙,但何鴻燊卻要求我們曬乾,然後把沙全『扽』出來。原本一磅六美元的海人草,便僅餘數安士,那時工人無啖好食,百多工人差點暴動,其中一名工頭更因此要匿藏起來。」霍更當何鴻燊面幽他一默,「人家都說我賣海沙發達,他卻要我把沙全拿走。」
壹週刊 2006-05-25
何鴻燊鬧十姑娘:你烚戇!
十姑娘為保守兒子何東舜銘身世的秘密,唯有聽從何鴻燊的話,為澳娛工作,而他自己就繼續吃喝玩樂,講明:「我開大膽車,你放心坐。」

一於賺錢就邀功,蝕錢亦好輕鬆!
上週一,澳門法院就十姑娘禁止澳娛股東大會通過澳博上市決議一案開審,何鴻燊出庭作供後,狂插十姑娘,「佢(十姑娘)到澳門跟我廿幾年,除咗我最高就係佢啦,佢想搶我賭場,姊(兄)妹都無得傾啦。」翌日十姑娘作出反擊:「係佢過橋抽板,欠我幾十億股息同累積盈餘到今日未還。佢侮辱我嗰番說話,應該用番喺佢身上。」

亂試一通
十姑娘往澳門就職前先在香港短暫停留,一天在二太藍瓊瓔家與何鴻燊晚飯,他趁藍瓊瓔離席時與十姑娘談論公事。
十姑娘問:「我一個人喺嗰邊,我都唔知邊可以自己決定,咩係要問過你先?」
何鴻燊滿不在乎地答:「你放膽去做,唔明問我,你以為我乜都識?!我夠唔知邊邊唔啦,唔試點知?總之你做得我咪董事局邀功,做得唔……蝕有咁多股東陪你蝕,你驚咩呀?我唔講你唔講邊個知呀?」
十姑娘又說:「但係我真係未做過,如果做錯令公司蝕錢就唔好啦。」
何鴻燊開始提高聲浪說:「Winnie!你神經病呀!唔係咁點呀?唔通話俾人知我唔識做呀?總之我開大膽車,你放心坐,總之你做得好,我就大條道理加自己人工……」
十姑娘當時心想如果跟他的決定,正式上班時若決策錯誤會影響公司,就試探地說:「不如咁啦,大件事我一定問過你,如果唔係咁大件事,但係又好重要,我都打電話問你一聲先好唔好?」
何鴻燊表情開始有點煩厭地說:「好,你唔怕煩咪打囉,講明先……打緊波游緊水跳緊舞時候就唔好煩我呀!」

搞掂伙記
十姑娘一聽心想這個兄長,除了每天幾小時在公司外,其餘時間皆在吃喝玩樂,在公司又總是在開會,不容電話騷擾,這樣說根本就是叫自己不要打電話煩他,再問下去肯定氣氛變差。問題解決不了,十姑娘惟有見步行步,借機會希望可以幫公司員工爭取福利,所以對何鴻燊說:「依家最難搞、最麻煩都係班伙記……搞掂就冇問題啦。」
何鴻燊說「呢句就聽啦,人客可以唔使理,成班都係爛賭鬼,輸完第日又再返過賭,除非輸死……」十姑娘借勢問:「我會唔會員工待遇度加少少?等人人做得開心、多歸屬感,專心做?」
何鴻燊怒氣地說:「烚你個戇!加到支出咁大,我仲點加(自己)人工呀!佢唔我度撈仲可以去邊度撈呀!阿Win!係咪你份唔收俾埋佢?」
十姑娘真是無奈惟有離開,到澳門上班後十姑娘由零開始,學習怎樣管理經營賭場,一開始日日十點回到公司,坐下一會就去巡視賭場,邊做邊學,日日查每張賭的收支表,晚晚十點才收工,在不影響公司支出的層面上善待員工,抽調公司接載客人的車輛,在颱風期間接送員工上班;同是公司員工的夫婦,就盡量安排同一更份,所有員工更份亦安排集中,避免花太多時間在交通車程上,令員工有更多時間休息……但辛苦工作的十姑娘卻仍未獲得應有分紅,連人工亦沒有!

走剩何鴻燊
葉漢八二年賣股後成為二十年來第一個退出的創立人,但當時任誰也估不到,再二十年後,五位創立人去其四(葉德利將股份賣回給公司,霍英東及十姑娘這數年間將股份捐給基金會,全部退出)只剩何鴻燊一人,十姑娘說:「我諗係因為各位創立人都不滿佢經營手法,所以產生好多糾紛同意見,最後落得如此局面,呢個亦可能係佢最喜歡見到結果。」
明知十姑娘與自己經營方針不同,為何何鴻燊仍要找十姑娘回澳娛?(待續)

壹週刊 2006-06-01
何鴻燊明醒葡國佬
何鴻燊要十姑娘何婉琪回澳娛幫手,原來志在送走股東之一的葉漢,兼且更方便送禮……唔識搞賭場
何鴻燊不滿葉漢管理賭場收取高薪,他覺得賭場賺錢又多又易,懂不懂經營根本不是問題,所以膽敢踢走葉漢;而何鴻燊要找十姑娘回去管理賭場理由有三:第一,十姑娘在何東公司工作多年,管理及商場經驗豐富;第二,十姑娘擁有良好龐大的人際網絡;第三,因為當年十姑娘被迫賤賣股票給葉漢,她回來葉漢沒有理由反對。
十姑娘說:「由我返管賭場,葉漢條氣一定順過由Stanley一個人take over晒成個賭場。據我所知仲有另一個原因,我記得三哥(鴻展)同我講,Stanley知葉漢有錢落格,唔報俾政府知,等可以交少稅,葉漢仲話橫豎政府都唔知,佢(葉漢)落多Stanley都一樣唔知,就算知Stanley都唔敢講!葉漢知好多內幕,所以Stanley一定要搵一個壓得住葉漢人先可以成事,踢佢走都要搵一個真係識做同肯做人日日度睇住。Stanley由頭到尾都唔知賭場運作,根本佢好少時間公司睇住檔生意,佢兩頭住家又咁多仔女,又咁鍾意出講,邊有時間打理盤生意?」
當時十姑娘聽了就問三哥(何鴻展):「咩內幕?」
三哥說:「一年到晚Stanley送好多禮物俾葡國鬼……」
十姑娘好奇地問:「佢夠膽收咩?俾人知道好大件事個喎。」
三哥說:「Winnie呀!呢度係澳門,一年到晚,我都幫佢(何鴻燊)送唔少禮啦,唔信你問師傅(方師傅:方百生,澳娛開業當初就幫何鴻燊工作,頭馬之一,甚得何鴻燊信任),經佢手送都唔少,不過我就冇佢咁犀利。佢間房拉開櫃桶,全部都係禮物,準備定睇見到邊個就送俾邊個……」
十姑娘說:「方師傅唔識英文又唔識葡文,點溝通呀?」
三哥笑說:「禮多人不怪嘛,送禮邊使講咁多,人講完thank you,笑笑口識講句wellcome咪得囉。同埋唔止葡國鬼要送,好多中國人都要送,況且依家好多葡國鬼都識講我話……」

二太唔貴唔買
據《霍英東傳》透露,曾經有高官拿一萬元向當時澳督羅必信投訴,指何鴻燊賄賂他,何鴻燊情急智生,說一萬元不是送禮,是捐作慈善用途的,澳督接受解釋,事情才不了了之。
十姑娘說:「咁唔怪得Stanley要公司分大份錢啦,咁多禮要送。」
三哥笑說:「邊度使佢出呀?用幾多咪叫賬房開番支票囉,我睇年中佢買唔知幾多禮物俾女人都係入公司數。!你睇,以前未有娛樂公司(澳娛)、未有得向公司開番數時,老二(藍瓊纓)有咩首飾戴?成日都戴住粒細細粒貓眼石,係就係靚,不過都唔會好值錢;你睇依家,唔貴、唔大件佢都唔戴,聽聞佢依家日日晏晝都太子行間首飾鋪,單我公司見唔少……不過我諗Stanley唔會話佢知,實係話自己送,葉漢依家唔度就仲離譜啦!」
十姑娘即時追問:「咁樣好離譜喎,Fox士(霍英東)知唔知?」
三哥說:「我諗唔知,因為何More(霍東英親屬,派來澳娛監察公司運作)都未必知……」
十姑娘十分驚訝說:「得咩?」
三哥說:「有咩唔得,佢話要應酬,你點知佢有幾多係真幾多係假!」
十姑娘更驚訝:「咁Fox士(霍英東)應該唔係咁?」
三哥想也不想即說:「老霍邊有咁低莊!」
七六年內地開放,十分需要和鼓勵華僑及港商返回內地投資,振興國家經濟,當時霍英東已與內地關係十分密切,他認為澳娛年年賺大錢,理應取之社會,報效國家。
但一向懼往國內投資的何鴻燊極表反對,但又怕與霍英東交惡,就要求其他澳娛股東聯名(但他自己不肯出名及簽署)去信霍英東,內容表示澳娛經歷重重困難才開始賺錢,若輕易拿錢回國內投資,恐怕血本無歸!
十姑娘說:「其實當時一眾股東係怕何鴻燊,唯有就範。」(待續)

壹週刊 2006-06-08
賭場茶錢千奇百怪
近年十姑娘頻到北京開會,上週又再北上拜會軍方。原來早在十多年前,她已跟何鴻燊上京與江澤民會面,不過急於表現愛國愛黨的何鴻燊,就當場被主席叫收聲。坐老江兩邊
何鴻燊看清形勢,香港要回歸祖國,澳門亦一樣,反抗後果只會全軍盡歿,所以跟黃成華(註一)一起,於八九年「六四」後,九○年初首次獲中央接見。何鴻燊與十姑娘被安排坐在當時任中共中央軍委主席江澤民的兩旁,反而八姑娘何婉鴻被安排坐於不顯眼位置,後來十姑娘詢問有關人員:「排位不是跟輩分有關,由年長至年幼嗎?」怎知對方說:「我們安排坐位並非因家庭輩分而分,而是按照澳娛股東身份和職位重要性分配。」
十姑娘心想,怪不得有些人深謀遠慮,要當上澳娛股東和董事,原來有這樣的優待,不過,這亦反映國家在禮節上安排公私分明,十姑娘說:「如果Stanley學到一半都好啦,唔會公事當家事搞、家事又當公事辦,公私不分。」
首見江澤民,何鴻燊就大發香港回歸後,聯合國總部應設在香港的「偉論」(註:何鴻燊於八九年發表《夢幻成真》一文,夢想香港於「九七」後成為聯合國總部或亞洲分部,以讓國際監管香港回歸後的人權狀況,引來中央及全城關注),江澤民即時制止何鴻燊再說下去,場面極為尷尬。當日千方百計阻撓澳娛投資建設祖國的何鴻燊,不但日漸親近祖國,更大聲疾呼叫人愛國愛港,儼然以中央代言人自居,近年更大灑金錢,在報章刊登廣告支持香港政改方案。

賭后無權理
十姑娘雖被外界尊稱為賭后,但實情她只是管理賭場日常運作,很多事情她沒有權管,亦沒有權知,甚至賭場中有些地方,何鴻燊更表示她不方便去,十姑娘說:「好似茶錢呢樣,一向話俾人知係收俾公司所有員工,但其實最大部分係Stanley處理,其他高級管理人員都有份,包括我自己,但係數點計,除Stanley之外冇人知……而公司收支表又有人工一項支出,咁究竟茶錢每年有幾多、去邊?我到離開公司都完全唔知,冇睇過盤數。我身為管理層又係股東,但係我睇到公司盤數即係霍英東睇到盤數,即係盤可公開數,茶錢盤數係得藍鏵瓔(二太藍瓊瓔胞兄)同Stanley先知。」
對澳娛公司其他運作,如內外賬房、簽發支票、向輸錢客人追討……等事宜,四十多年澳娛的運作一向沒有透明度,十姑娘說:「客人贏大錢由賬房出支票;好多客輸大錢公司未必收得番晒,因為Stanley同幾個人有權簽名將條數變做呆壞賬,咁究竟佢同個客點傾、點樣去追、搵乜人去追、有冇追?客俾幾多?公司收番幾多?只有Stanley同蘇樹輝知!」
多個國際傳媒歷年均有報導一些特殊的匯錢途徑,指任何人只要支付手續費後,均可從國內任何地方匯錢往澳娛,即日憑身份證明文件就可在葡京拿取支票(不用在賭上通過任何博彩),再帶往香港的銀行兌現,過程簡單安全,沒有任何人會懷疑;而一眾國內大客贏錢拿支票往香港兌現,輸錢只要回到老家找數即可。

特殊匯款
十姑娘說:「呢幾年都有外國傳媒住支票問我,簽支票係咩人,我只知支票真係澳娛、澳博開出……以前都有好多人叫過我做呢咁。我記得有一次有個反骨仔話,有個台灣人想先俾五百萬來歷不明現金賬房,然後叫賬房出番一張五百萬港元澳娛支票俾佢,以方便佢香港銀行過數,我唔肯,因為現金不明來歷,佢又講明唔係賭錢,只係想澳娛幫佢過錢……點知佢話我唔肯,唔緊要……佢可以公司搵到第二個人幫佢做,仲話公司成日都係咁做啦……當時我唔信,但依家睇番傳媒報導同埋支票證據,原來真係做緊!」(待續)

壹週刊 2006-06-15
賭王股東都冇面俾
十姑娘幫何鴻燊打理賭場的同時,身為澳娛股東的她,其實亦處處受掣肘,何鴻燊甚至派人監視十姑娘一舉一動……公司數唔問得
十姑娘剛上班時,一眾原有高層對她極不客氣,可能見她一個女流之輩,及質疑她的工作能力,所以他們採取不合作態度。十姑娘回憶舊事:「印像最深刻係有一次,公司一個男秘書寫一張員工公告叫我簽,因為好急,睇都冇時間睇就要我簽,好彩方師傅(方百生、澳娛老臣子)專登由佢個位走過,俾個好奇怪眼神我,我當堂打個突,心諗唔通張公告有問題?一睇原來真係,份公告寫得好唔客氣,如果出街班員工一定嬲死我,全部怪晒我。全部員工都係自己人,又唔係打出面敵人,做咩要咁寫?咪要佢改晒佢囉,點知佢話我咁樣改唔驚老細(何鴻燊)睇到唔開心炒我?我忍唔住出聲同佢講,我返係幫公司,唔係一個普通請返職員,我仲係公司股東,有澳娛股份!
「炒你一百次都未炒到我!但係點諗都諗唔到,二十五年後,我自己就因為多問公司數一句,就俾Stanley無理炒,而呢個人依家仲澳娛返緊工。Stanley就係咁啦,公司數佢講到明邊個問多句就即炒,原來Stanley今次真係冇講大話!股東都冇面俾!」
何鴻燊的做事手法令人產生錯覺,以為整間公司都由他一人擁有及控制,許多十姑娘的朋友曾說過,以為是十姑娘盡心盡力的原因,所以何鴻燊才送一些股份給她,是十姑娘不知足,希望獲取多一些才發生這麼多爭拗。可見何鴻燊城府深藏,一早發放假像,令人以為全部事件都是十姑娘的錯,原來何鴻燊對付十姑娘並非始於2001年指她欠澳娛錢……其實早以開始了!

備受監視
十姑娘上班第一天公司派吳志誠擔任她的秘書,何鴻燊表示吳志誠是他香港大學的學弟。十姑娘當初不想錄用吳志誠,因為他為人多說話、對高層阿諛奉承,工作表現又差,但何鴻燊又說他是Robert(何鴻燊車禍過世的長子何猷光)的好朋友,十姑娘才勉強用吳志誠。最後發覺原來吳志誠是何鴻燊派來監視她一舉一動的。
進駐澳娛,十姑娘起初以為應該可以收回應得的一部分,可惜事與願違。十姑娘說:「之前冇得睇、冇得理,任佢俾,俾幾多?唔數都要照收。估唔到返公司情況一樣,到今時今日我成班律師會計師,都未睇得明晒澳娛盤數,因為好多數都冇寫到出,真係好似霍英東話齋——澳娛賬目不清!根據澳門法例,澳娛賬目每年一定要搵核數師審核,但澳娛竟然好多年都冇找人核實;不過就算搵都冇用,都冇將公司盤數真實全面披露,咁搵核數師有咩用呀?」

改革賭場
雖然何鴻燊不斷欺壓十姑娘,但她並未有背叛公司,經過一番努力後,澳娛每年純利大增,由原來的數千萬增至過億。因為十姑娘積極與澳門政府商議改善方案,每張每鋪開快一點就可多賺一點,把通道改細就可開多一些賭,人客疏落的賭(十姑娘原希望放棄這些,但政府牌照規定要保留)放到偏遠處,生意好的(像百家樂)就放在當眼處好吸引更多客人。生意額直線上升主要原因是十姑娘將很多地方如餐廳與大堂改建,令葡京賭場面積大增,又加設了貴賓房,賭數目更大幅增多。
70至80年賭場營運改動很大,2000年賭場出現的景象大部分基本在那個時候已定下雛形。當然,到2002年賭權開放後又出現了另一番景像……
另外一個令賭場生意大增的原因是八十年代初期,香港人身份證上有三粒星的就可以隨時到澳門遊玩,比之前方便不少;還有是賭的注碼變得大眾化,又將最賺錢的百家樂,由四張增至近百張,這改動吸引了不少普羅大眾到賭場遊玩。十姑娘說:「幾年前我已經覺得賭場運作又老化啦,應該引入一套國際專業管治方式,等澳門博彩事業可以同國際接軌。」

壹週刊 2006-06-22
賭王想飛梁安琪!
十姑娘被何鴻燊逼出澳娛董事局,處心積累的四太梁安琪成功攝位,勢力愈益坐大,可惜紅顏禍水。
十姑娘話當年賭王想過飛甩阿四,點知梁安琪死咬唔放,為搵錢更不惜將貴賓廳無限量外判,搞到○一年濠江江湖大廝殺,結果捉蟲令賭王被迫攤分其獨市賭牌,真係多得阿四唔少!阿四發爛渣
壹︰點解何生咁錫四太?又本俾佢搞生意,又安排佢入澳娛董事局?
十︰我有問過Stanley,佢話阿四(梁安琪)唔同其他女人,每月俾十萬蚊家用佢,佢都唔要,係要Stanley俾生意佢做,Stanley話為佢開心,冇所謂啦,咪製造生意俾佢做囉,橫掂阿四得佢好開心。
壹︰聽聞四太雖然有不少生意(葡京的禮品店、澳門茶餐廳等),仍要插手賭場,澳娛廳主都要聽佢點。據2002年3月北京出版的《三聯生活周刊》報導,廳主除了先要放下過億元保證金、每月高昂租金,及承包數億泥碼外,還要每月向四太上繳五百萬元。
十︰我聽聞過呢事,傳得好犀利添,我追問過 Stanley 幾次之後,佢叫我唔好問唔好理。
壹︰你都係澳娛股東,冇權過問咩?
十︰我有反對過!我同Stanley講︰「你做應該公還公、私還私,俾錢佢得啦,做咩搞到個女人公司度『掗掗』?」點知Stanley話佢決定,冇人可以改!我再問佢做咩咁信個女人?Stanley話本來同佢一陣之後,就諗住飛佢,點知咁有佢唔應該知,俾佢聽到,俾佢咬到實,冇計啦。
壹︰究竟四太知道咩秘密?
十︰呢依家唔講住,不過Stanley話自己唔係咁簡單,仲同阿四講,自己唔怕佢,叫佢夠膽就講啦,Stanley仲話估都估唔到阿四咁夠「撲」,講到明,如果飛佢,佢會公眾場所度撲埋,攬住Stanley?爛佢塊面!咁爛……Stanley話自己都怕,不過,阿四唔發爛渣陣時,Stanley話佢得佢好開心。
壹︰四太做澳門議員,都係何生意思?
十︰係呀,Stanley當時話我知阿四第時會做埋議員,我都嚇一跳,佢都做議員?你真係當全澳門人蠢?點知Stanley好大聲咁話:「澳門我肯使錢就咩都得!邊個夠膽話唔得?」我都估唔到佢今日真係做議員,Stanley真係有辦法。
壹︰何生交咁多俾四太,人服唔服?
十︰聽講澳娛人好多都唔服阿四,佢話阿四貪得無厭、唔公道、過橋抽板,不過我覺得佢兩個好key,Stanley仲話阿四幫佢搵多好多錢添。貴賓廳由當初幾間變到我臨走前成五十幾間,都係因為阿四。澳娛由獨市變到依家有六個賭牌,Stanley真係要多得阿四啦!

廳主入場費兩億
據《何鴻燊傳》載,葡京在一九八○年開辦賭團,賭團承辦人則要墊付數千萬元給賭場作按金,賭場亦發配一定數量的「泥碼」給他們,讓他們自行組織、安排賭客到澳門。有了賭團,賭場又設立貴賓廳,廳主要付一張二億元的信用狀,並負擔每月最少四億的泥碼。在廳內賭所贏的金額,澳娛佔55%,賭廳佔45%,但要支付疊馬仔的佣金和月租,每張約三十萬元。

賭廳肥豬肉
(以下內容節錄自何婉琪即將出版的《回憶錄》)
十姑娘說,在2001年12月底,她被何鴻燊剔除其執行董事職務之前幾年,賭場貴賓廳的話事權已落入梁安琪、蘇樹輝一伙人手上,若有人想開貴賓廳,先要經他們一個程序繳付費用,金額因人而異,在什麼地段與面積大小(大貴賓廳有五張賭,小的僅有三張),價錢由數百萬至數千萬不等,但因賭場是塊肥肉,想透過何鴻燊專營權分一杯羹的人,唯有臣服;疏通所有人際網絡後,還要在誠興銀行(澳娛旗下公司,2005年《華爾街日報》曾報導該銀行涉嫌協助北韓洗黑錢)開戶口存入約二億元作保證金,再等半年才獲通知可否開設貴賓廳,而該筆保證金半年間作什麼用途?用途合法嗎?從來沒有人提及,亦沒有人敢問。
不要以為獲批經營貴賓廳就可以一勞永逸,貴賓廳的裝修與營運開支由廳主負責,員工則是澳娛統一招聘培訓。早期澳娛硬性規定每月每個廳要消化8000萬「泥碼」,並預設一個營業額,如果每月能消化七億元「泥碼」就可分得3%利潤,但因為很多貴賓廳不能完成這營業額,後來變成三億元一個月,有些廳最多可欠澳娛100億籌碼。
回歸前,約1993年之前地產市道最火紅熾熱的時候,一個廳一天可以有約20億流水賬,但到2002年,經濟蕭條時,每個廳變成了每個月固定上繳何鴻燊2000萬元的租金(其中五百萬由梁安琪親自收取,至於是否由何鴻燊委託?做什麼用途?則從來沒有交代,而另外的一千五百萬,澳娛賬簿內並沒有顯示收到該等款項,這一千五百萬數去了哪裡?用途如何?是否合法?又是只得何鴻燊一個人知道),如果廳主連2000萬租金也無法支付,就會面臨被關廳的命運。
但依時付足所有費用亦不代表可以永遠繼續經營,若有新加入者想開設貴賓廳,有財有勢又疏通有關人等,他們就會加「租」趕走舊有廳主,看哪個財力不足就成犧牲者,場地讓給新人做。「月租」之外,更有「年租」,他們年年都要廳主找其私人旗下公司裝修,收費昂貴!十姑娘慨嘆說:「廳主真係做得好辛苦,個個都聲!」

免息貸款
(是否因一定賺錢,所以各廳主唯有順從?)
十姑娘說:「其實我都唔係好明,我仲澳娛時候,係有廳有生意,但係好多貴賓廳大部分時間都係空、冇人賭,但係佢仍然要霸住做,真係唔知為咩?」
根據資料顯示,廳主俱大有來頭,包括全國政協、澳門立法會議員、企業家、龍頭家族等。
雖然入場費昂貴,但一旦成為廳主亦有另類福利,廳主若跟何鴻燊、梁安琪或蘇樹輝等人關係良好,就可獲得澳娛免息免抵押貸款(還款期由何鴻燊獨自決定,他喜歡的話可以無限次延期,更甚者可以不用還款),最高可達數十億元!澳娛亦從來不會過問貸款的用途。是否因金額巨大加上有些廳主的背景,所以該等貸款的用途流向,歷年均是各國調查人員的目標?
十姑娘說:「以我認識,澳娛冇借貸牌,係唔可以借錢俾人,我都唔明點解佢可以借錢俾人,又唔問人做咩?用途合唔合法?澳門法例借錢俾人係要交『借貸稅』俾政府,佢又冇俾,但澳門政府知道又唔做,我真係莫名其妙!如果咁樣公司都可以香港上市,我就更加莫名其妙!」
貴賓廳這種外判經營方式的確為何鴻燊及梁安琪增加收入,但這種殺雞取卵的經營方式,同時衍生大量疊馬仔(即中介人)……等社會問題,回歸前,賭廳的不斷擴張,僧多粥少,令江湖起恩怨,為使澳娛賭廳制度不再壟斷整個賭業,使社會穩定平衡,唯有引入外國專業博彩制度,開放賭權是唯一解決方法。

壹週刊 2006-06-29
陳世賢葡京離奇被殺
澳娛老臣子、著名泰國僑領陳世賢,多番為十姑娘和賭王的糾紛作調停,但這個中間人還未做得成,他已被人在葡京酒店房中劫殺。十姑娘回想種種蛛絲馬跡,覺得十分可疑……
(以下內容節錄自何婉琪即將出版的《回憶錄》)帶泰國客去賭
與十姑娘友好的澳娛老臣子陳世賢,人際網絡廣闊,多年來為澳娛立下不少汗馬功勞,亦曾意圖幫忙解決她與何鴻燊之間的糾紛,但未有結果前就在葡京酒店離奇被「劫殺」,十姑娘一直覺得他的死因疑點重重。
最初澳娛只有五、六間貴賓廳,大部分有關人等都是十姑娘在公在私的好朋友,十姑娘說:「娥姐、黃成華、劉思仁、陳世賢……等等澳娛老臣子,對公司好有貢獻,個個都有情有義,我好敬重佢……不過自從阿四管賭廳之後……(搖頭嘆息)唉……真係今時唔同往日啦……」
在八十年代,除港客外,澳娛主要依賴東南亞客源,尤其泰國客人佔最重比例。陳世賢就是在當年率先引入泰國客,令公司生意大增,所以澳娛當時十分倚重他。
陳世賢表面身份是泰國僑領,江湖地位崇高,黑白二道都均有好多好友,他幫澳娛主持貴賓廳,很多人會俾面捧場;而暗地裡他還與很多國家領導,尤其國家安全局領導有聯繫,關係網這樣雄厚,做事自然事半功倍。
十姑娘說:「佢唔單止背景厲害,仲好打得,臨死之前佢雖然已經成六、七十歲人,但外表好壯健,六呎幾高,虎背熊腰。而佢個助手兼保鏢就仲犀利,我聽過一個泰國將軍講佢受過軍事同特工訓練!個將軍仲話普通人冇可能埋到佢身,同制服佢。」

神秘電話
十姑娘續說:「陳世賢2003年4月葡京遇害,佢死之前幾個月曾經好神秘北京打俾我,佢叫我段時間唔好講咁多!佢話:『我北京開緊會,你同何生糾紛最好靜一,小何阿公面前話十姑娘講好多!阿公話為澳門穩定繁榮,大家唔好再出聲,等我去搞,我好尊重你同何生兩位,你兩個都係我老闆……你我收order一定會同你搞掂,你唔好出聲住,我都會叫佢唔好出聲(當時我話Stanley唔會聽人講),我有幫佢搞緊,佢會聽我講,你大家都要聽我講……我好快返啦,到時大家坐低傾掂佢。』我答佢好呀,仲叫佢返打電話俾我。」
還有一件十分奇怪的事,陳世賢致電十姑娘後很短時間,一天,十姑娘往上環律師寫字樓,因停車地點要行一段短距離才可到律師寫字樓大廈,正當十姑娘停步等候橫過馬路時,突然有人從後快速趨前與十姑娘打招呼,十姑娘感到十分愕然!看清原來是陳世賢的私人助手兼保鏢,十姑娘說:「我當時仲安慰自己,佢成日要去澳門,度又咁近信德碼頭,佢只係咁行過同我打招呼……冇其他……不過後來我越諗越唔明,佢成日都要貼身跟住陳世賢,一步都唔會離開……唔通係陳世賢叫佢保護我?」

死因可疑
可惜陳世賢最後亦未能成功為澳娛解決糾紛。據資料顯示,七十一歲的陳世賢在2003年4月18日下午,被發現四肢被綑綁及封口,倒斃於葡京酒店房內,其貼身保鏢亦遭同樣手法對待及毒打受傷,由於死者身上七百多萬元籌碼及現金均失去,警方懷疑他遭劫殺。其後內地公安拘捕唐姓疑犯,他承認行劫時曾以生果刀威脅陳世賢,但否認蓄意殺人。警方曾懷疑行兇者不止一人,疑犯在同年九月二十日在珠海羈留所內離奇上吊死亡,令陳世賢真正死因成謎。
作為死者好朋友的十姑娘,對案情甚為懷疑。十姑娘說:「我識佢幾十年,佢唯一肯離開賭時候,就係輸乾輸淨,當我睇到報紙話佢贏七百幾萬肯返房,簡直匪夷所思!佢江湖地位咁高,為人又有義氣,黑白二道都好俾面佢。加上佢一向好精明、好小心、觀察能力好強,唔安全地方唔會停留。佢泰國間屋有好多狗好多保安,絕對安全,加埋個保鏢,唔好話用生果刀,你用槍威脅佢,佢都未驚呀!
「佢有咩大場面未見過?仲要係死葡京?佢葡京幾十年,葡京就好似佢老家,個個職員保安都識佢,加埋葡京一入門口就度度都有閉路電視,酒店就層層都有管房,佢住層貴賓樓層保安就更嚴密!有咩可能俾外人入去打劫殺人?如果佢死係一單普通劫殺案,我點都唔信!」

壹週刊 2006-07-06
澳娛上市十姑娘:發夢冇咁早!
賭場貴賓廳愈開愈多,嚴重影響中場生意,十姑娘建議何鴻燊擴充中場,但他竟然話「不想阻住阿四搵錢」,至於公司盤數,亦只有何鴻燊一個人心中有數,白紙黑字卻不作準。所以當十姑娘知道他想將澳娛上市,即嗤之以鼻話:「嚇死人呀!」
(以下內容節錄自何婉琪即將出版的《回憶錄》)貴賓廳賭得大
十姑娘與陳世賢的交往亦始於貴賓廳的設立,坊間傳聞賭場貴賓廳是由十姑娘設立,十姑娘表示:「我設立貴賓廳係因為陳世賢同劉思仁識好多鍾意賭錢闊佬。有次佢同我講,公司可唔可以整貴賓廳俾闊佬去賭錢,佢話班闊佬覺得中場賭錢好唔自然,因為佢手手都買得好大,鋪鋪都俾人望住,好冇私隱同安全感。當時我心想都好,多私隱佢都賭得放心。呢亦係我提議設立貴賓廳原意!仲有邊個帶客都一定要俾番好處人,咪設立貴賓廳等佢可以抽水賺錢囉(由泥碼換現金碼時可以抽佣,澳娛亦同時提供免費船飛、酒店房及飲食券給客人)。貴賓廳開之後生意好到唔信,到後期連落注額上限都要加大。初期全澳娛共有五至六間貴賓廳,日日客似雲來,生意非常好;唔似得依家人猛開貴賓廳都唔知做咩,我離開澳娛之前有時行過貴賓廳,睇到都冇客度賭!公司同班廳主又繼續咁開,都唔知為咩!」

幫阿四搵錢
係咪廳主靠借錢俾賭客收高利息賺錢?
「廳主點借錢俾客人同收幾多厘息我就唔清楚,不過公司借俾廳主錢就係冇收息……我都唔明點解Stanley肯借咁多錢俾廳主,又唔收息、又冇財物抵押,有咩數真係要問Stanley先知,同埋我就唔信錢係借俾廳主,至於幾時追?幾時收?幾時會轉壞賬?Stanley一個人話晒事!佢當間公司係自己。而賭客借錢,我離開澳娛之前都係入公司數,百幾萬咁小數都要問過Stanley,因為只有佢一個清楚個人還幾多錢,仲欠公司幾多錢,公司盤數白紙黑字寫都唔可以作準,當時我成日叫Stanley唔好再開貴賓廳,要搞好中場,但係佢死都唔肯,話會阻住阿四搵錢(《北京三聯生活周刊》提到廳主每月要向她上繳五百萬元)。原來Stanley認為幫阿四搵錢,仲緊要過幫公司搵錢!」
咁樣咪好大件事,成間公司幾百億數都係得佢一個知,佢有咩意外,間公司點算?
「咁公司幾百億咪下落不明囉,冇辦法,佢份人係唔理股東,仲話上市,嚇死人呀!學佢(Stanley)話齋:發夢冇咁早!」十姑娘說。

嚴重失衡
其實賭場很早就需要改進,但創辦人之一的葉漢只重賭業生意原則,賭具人手齊備就讓員工自行運作,其他股東又沒有機會參與實質運作,因為何鴻燊並不會讓別人插手公司業務。
十姑娘很信「邪」,見那張賭賠本就更換荷官,再輸就即時收,任何人阻撓都不准更改,公事公辦,公司生意好職員茶錢收入自然水漲船高,十姑娘自言因此深得人心。
約九八至九九年,十姑娘發覺中場與貴賓廳的比例已嚴重失去平衡,大時大節這現象尤其明顯。曾經有一年春節,貴賓廳生意增長了一倍,但仍然有很多空,而中場只增長了一成,但中場擠逼程度令很多客人難以下注,甚至排隊很久亦未能進入賭場,流失了大量中場客人。

賭王無面
據資料顯示,本年首季,全澳門博彩業中場收益共三十一億多元,但金沙一個中場收入已達十五億多。以一個中場與澳娛十多個中場對決而可以打成平手,可見金沙營運中場確有一手;而去年2005年澳門博彩業業績統計資料顯示,貴賓廳收益六年來首次報跌,於整體賭場業績的份額退減一成。十姑娘說:「原來我睇得好準,當日反對我擴張中場澳娛高層,見對手中場生意咁好,依家咪大大聲話要搞好中場囉,Stanley一早聽我話,咪唔使搞到依家咁頭赤同冇面囉。」
壹週刊 2006-07-13
四太下令:唔准去阿三飯局!
四太梁安琪深得何鴻燊歡心,曾命令所有人不准出席三太陳婉珍搞的聚會,但十姑娘睬佢都傻,理直氣壯同四太講:「我去你聚會唔係俾面你,係俾面我阿哥!」認真唔俾面!
(以下內容節錄自何婉琪即將出版的《回憶錄》)阿四好憎我
染指貴賓廳兼賭場周邊生意後,梁安琪勢力日益坐大,有一段時間更命令所有人不准出席三太陳婉珍安排的聚會,十姑娘說:「佢惡到連我都唔俾去!但我照出席Ina(陳婉珍)聚會,我冇理阿四之餘仲同佢講,我去佢(四太)聚會唔係俾面佢,係俾面我阿哥!可能當時我咁講已經得罪佢,(咁其他人有冇聽佢講?)有!八姑娘直頭當佢係主人,阿四叫佢行就行、坐就坐……個個都怕佢啦,唔驚佢告枕頭狀咩?為搵食,人有咩辦法!Stanley引入阿四之後,我成日提佢,開水喉位俾阿四,會令公司管治差同埋對股東利益有損,搞到佢同阿四好憎我!如果當日我肯埋堆,我諗應該仲可以做落去——但如果我肯咁做——(提高聲線)我仲係十姑娘?」
何鴻燊費盡心力安排所有家人接掌澳娛,以為可以保有千秋基業,但他怎也想不到,結果令博彩專營權在02年一分為三,到今天,澳娛更淪為六個賭牌(正牌三個、副牌三個,共六)其中之一個,業績每況愈下,由獨家經營時佔市場100%,到上年的約75%,澳娛前景會如何?
十姑娘說:「中場依家仲勉強keep到,因為澳娛有十八個賭場唔同地段,方便客去賭,但當對手,尤其係永利,開多幾個場,我真係驚澳娛中場業績跌剩一成都唔夠!」

但係澳娛貴賓廳業績幾個賭牌之中一枝獨秀?
「貴賓廳業績仲keep到,有兩個原因:第一,澳娛肯借好多錢俾人客,收唔收得番另計,但賬面上就仲有條數,一日佢唔將數變做壞賬,公司都唔叫做蝕。聽聞到依家澳門賭場借錢俾客人都仲係未合法,所以其他賭場仲未肯借錢俾客人,貴賓廳客咪少佢咁多囉;第二,佢有特殊匯錢渠道,方便內地客。不過競爭對手好快會解決到第一個原因,聽聞永利同政府傾好耐,相信好快會立法准賭場借錢俾客人,到時客源會分薄。而第二個原因,我諗大家都認同唔會再保持得幾耐,因為咁多國際傳媒報導晒,政府好快會取締晒,(咁澳娛到時會點?)貴賓房業績應該又係跌剩一成,跌跌就咩都冇晒啦!」

搵錢填
咁有冇辦法解救?
十姑娘說:「梗係有!當年我可以將澳娛業績推到咁高,多百幾倍以上,依家有咩可能唔得,係佢水皮,搞唔掂,唉……一日黐住阿四……諗到都做唔到啦!」
有咩方法解救?
「佢對我咁衰,我做咩教精佢?你叫佢飛阿四先再問我啦。」
澳娛近年每年純利都有成四十億,中場加貴賓房跌剩兩成都有約八億,都算好好賺?
「錯晒!澳娛每年經常性支出好大!好似2004年澳娛收入約三百五十二億幾,純利約二十億,支出約三百二十二億,其中約三分一係俾稅、約三分一係非經常性開支、剩番三分一大約一百二十億就係經常性開支。依家開多咁多賭場,經常性支出只有加冇可能減,咁如果澳娛生意跌到得番兩成,到時唔係賺八億,係蝕大約八十幾億先!唔好話跌到得番兩成!跌一半已經開始要蝕!我都唔明Stanley點管理間公司,四十幾年基業咁快就俾阿四玩完!」
咁幾時會跌到一半?
「其他幾個場今年都陸續開,出年威尼斯人再開多個大場(星光大道),我睇出年年中就跌到得番一半,好快就跌到兩成。」
公司前景咁仲可以香港上市?
「就係咁先要上,仲要好急上,出年先上搵鬼買!佢上次澳門上庭都大大聲認搵香港錢去澳門啦,係搵香港人錢去澳門填呀!」
咁到時你股份都唔值錢,點解唔依家賣佢?
「我做唔係為錢,係求公道,我對得住天地良心!」

兩手準備
但係何鴻燊成日提住當日你入標競投賭牌有損公司利益?
「當日我只係交意向書,從來冇入標,裡面仲講明如果澳娛一入標我即刻退出!仲有如果投到都會邀請番所有澳娛股東加入新公司,每個股東股權比例不變,大家可以翻查記錄,呢冇得呃人,所有資料公開,政府有晒記錄;佢係咪年紀大記性差定係特登講大話屈我?而當日我入意向書只因澳娛遲遲唔入標,我驚佢最後都唔入標,澳娛冇個牌會影響員工同股東,加上有個同澳門政府關係好密切人話,為保住澳門穩定繁榮,要我用MVI入意向書做好兩手準備,就算澳娛最後真係唔入標,都起碼有我呢個叫做管治過澳娛人入標。」
你憑咩認為何鴻燊唔會入標?
「佢唔想用澳娛入標件事,澳門好多人都咁傳,仲話Stanley同人合作用另外名入好多份標書,Stanley都有問過我如果澳娛冇份做,由第二間做,佢出聲我會唔會幫手打理,我咁都叫做損害公司利益?佢俾錢個仔同澳洲合作、個女同美國合作,想直接同澳娛爭食,咁又唔知算唔算損害公司利益呢?仲有一樣我唔明,龍仔p夾埋PBL同永利人買個副牌要九億美金!澳娛賣個副牌俾Pansy公司只係收得二億美金,咁平,有冇搞錯!咁真係唔知算唔算有損公司利益呢?」


壹週刊 2006-07-20 娛樂名人 B082 回憶錄 四太大食
澳娛這塊肥豬肉,人人爭住搶一件來食,更爭相利用其周邊生意從中獲利,有份從事葡京相關店鋪生意的十姑娘,卻有份做冇份分錢,她說背後從中作梗者,正是四太梁安琪:「聽人講有生意想分錢俾我,阿四即刻鬧到人死!估唔到佢仲霸道過Stanley(何鴻燊)!」梗係啦,冇咁霸氣,點做阿四呀!
(以下內容節錄自何婉琪即將出版的《回憶錄》)阿四好霸道
澳娛中,除了與賭有關的項目可讓中間人獲得巨額利潤外,據聞周邊的生意亦令中間人獲得厚利。澳娛所擁有的絕大部分店鋪,在十姑娘離開前仍是象徵式每個月收數千元租金,但要租鋪就如同開設貴賓廳一樣,要經過特定渠道才可成事。先要疏通有關人等,而該等人士亦在商場各霸佔地盤開設各類店鋪,而他們開設的食肆,硬性規定廳主要安排客人在他們店內消費。該等食肆收費昂貴,物非所值,實行盡情搵澳娛及廳主的數。而澳娛的消耗品如朱古力、紅酒、香煙、花……等的供應店鋪,亦為各方爭奪的對象,因為不但數量大,而且可以價錢任開!以上數條財路每年的經常性利潤以億元計算,而消息來源更指其中有一半利潤要上繳給何鴻燊。
求證於十姑娘,她說:「為平衡各方面勢力,或者幫人平衡佢屋企幾房人糾紛,有生意我都有份參與,但做先知原來同做賭場一樣,唔單止冇權話事,一句聲都唔可以出,冇法子影響佢管治方式,又冇錢分,近五年都冇分過,之前就好似賭場咁佢鍾意分幾多就幾多。有職員聽到話我知,本來有我做落生意想分錢俾我,但俾阿四見到即刻鬧到佢死!問佢係咪唔想再度開鋪?人咪唔敢分俾我囉!估唔到阿四仲霸道過Stanley!」
鬥搞私幫生意
但係呢生意,點解唔係由澳娛自己做番?
「問得好!係有澳娛都有份,但公司其實絕對可以自己全資營運。或者又係Stanley製造生意俾阿四,搞到樣樣都貴,中場客走晒,冇理由賭一千幾百會留葡京食一千幾百蚊飯,一出去食咪好易唔返轉頭?Stanley成日都話呢爛賭鬼死都要『舂』返,我話俾佢知唔一定,依家仲衰,有人賭場……佢一日唔改,中場只有越做越差,你睇人點做、配套點,佢咁管治公司冇得同人爭!當時我成日提出話唔好,忠言逆耳,激嬲佢,所以佢好憎我。」
聽聞澳娛同佢買貴過外面好多?
十姑娘:「我都聽人講過好離譜,其實咁樣對公司士氣非常之唔好,我好唔贊成,個個都掛住打理自己私幫生意,邊有心機做,而且Stanley咁做又剝削股東利益,葉漢話事時冇呢事,邊度好似依家咁亂晒龍!」
十姑娘繼續說:「仲有呢鋪頭係咪做緊門面生意冇人知,原本葉漢講到明全葡京唔可以有當鋪,好有原則,唔好等客輸死冇得返轉頭,如果你表面賣花生裡面做當鋪,葉漢冇你符,但就一定唔可以明正言順開一間當鋪葡京度。不過阿四92至93年就唔止葡京開一間,第二個場都有,其他人見到想開,但係阿四唔俾,要獨食!所以其他人咪變相表面做門面生意,裡面就幫客碌信用咭套取現金囉。Stanley同阿四都唔鍾意睇長線,鬥快搵錢,咪就係咁樣累死好多客囉!」


壹週刊 2006-07-27

何鴻燊問十姑娘:你要買起我?
十姑娘與賭王早年已口和心不和,四太梁安琪的出現更是火上加油。
有次何鴻燊在四太家吃飯時,直問十姑娘:「我收到風話你要買起我!」
十姑娘澄清之餘,懷疑有人從中搞鬼,「點解Stanley黐阿四後就懷疑我?」
(以下內容節錄自何婉琪即將出版的《回憶錄》)酬勞被扣
九五、九六年何鴻燊突然讓十姑娘擔任執行董事,澳娛的執行董事可以獲得公司純利1%作額外酬勞,但十姑娘任執行董事就附加大量條件,第一何鴻燊要十姑娘在酬勞中扣除一百萬給何鴻展,第二他說蘇樹輝對公司貢獻很大,要十姑娘在扣除何鴻展的一百萬後,將執行董事酬勞的45%分給他(但十姑娘估計最後該筆錢應該又是被中間人取去),還承諾以上條件只需支付一年,怎知第二第三年年年如是,最過分是何鴻展九八年逝世後,仍然繼續扣十姑娘一百萬!
十姑娘天真地以為應承所有條件就可以分錢,怎知結果仍是拖、又是沒計好數,十姑娘唯有不停地追討,追討多次之後有時會開支票給她,但十姑娘說:「都唔知個銀碼唔,但開一定要我收,唔收又用未計好數個理由再拖,仲有我收支票有係公司開,有係Stanley私人開,所以實質公司分幾多俾我,我從來唔知!不過霍英東都係咁,佢都從來唔知道應該分幾多。」十姑娘當時心態是,給何鴻燊欺壓了這麼多年,有收益總好過全無分文,亦為了顧全大局,唯有逆來順受;但十姑娘表示從未同意何鴻燊或公司這樣的分紅規則。
四太梁安琪九五年因插手賭場業務,惹黑道中人出資一千萬,聘請「大富豪」張子強買起她及何鴻燊。加上大富豪集團將綁架李姓及郭姓商人的十七億贖金,在葡京豪賭大敗,故要向賭王報仇,但綁票計劃被中國國安部得悉而告吹。
綽號大富豪的張子強,是綁架集團主腦,九六年五月曾綁架李姓商人,取得十億七千萬贖金,九七年九月再綁郭姓商人,取得七億多元。至九八年一月,他在深圳被公安拘捕,其後在廣州槍決。
請保鏢防笠
九五、九六年澳門回歸前,澳門社會動盪、治安奇差,何鴻燊購買了防彈車平治(Benz)及僱用保鏢,同時要十姑娘乘坐防彈車。
十姑娘當時問何鴻燊:「喂,Stanley,唔使咁驚?治安差係差,不過人人都好鍾意我,佢唔會搞我。」
怎知何鴻燊說:「小心駛得萬年船,依家差不多每日笠(綁架)一件(個),點知會唔會輪到我?」
十姑娘說:「係喎,到時笠我,我點俾錢贖自己?不過佢都應該識打電話公司搵Louise(澳博董事兼營運總裁吳志誠)贖金。」
何鴻燊說:「咁咪係囉,公司到時贖你我咪要使好多錢囉,一架防彈車幾貴呀?同埋如果笠你,我咪要過(澳門)多,到時我仲危險呀!我目標咁大……佢好多人都係針對我同安琪,安琪份人你知啦……」
十姑娘聽罷十分心傷,自己一心為澳娛,但換來這樣的對待,十姑娘說:「Stanley要我坐防彈車唔係錫我,原來係為錫自己荷包!」
十姑娘一向上班下班都只由司機接載,有文件要帶才會要工人幫手,大部分時間都是一個人獨來獨往,十姑娘笑說:「佢就唔知驚咩,一直用保鏢,到九七年之後,澳娛出錢請成二百幾個保鏢,不過大部分都係用保護佢同佢屋企人,後來保鏢多到我都睇唔到佢,淨係見到佢個額頭,因為保鏢太多圍住遮住晒……咁驚死,就唔好做對人唔住啦……」
掟落監倉
十姑娘表示何鴻燊一向驚死,記憶中一次在梁安琪家吃飯,大約是八八八九年,當時梁安琪剛懷孕,席中一番對話極為精彩。
飲宴中何鴻燊突然對十姑娘說:「我收到風話你要買起我!」
十姑娘嚇了一跳,即時否認:「邊有咁事,我做咩要買起你,你係咪黐線?」
怎知何鴻燊繼續指責:「我收到上面消息你要買起我,你話冇,咁跟我去北京澄清啦!」
十姑娘很大反應的說:「我唔上去,北京咁凍,未審掟我落監倉,兩日都已經凍死我啦,你叫佢落我面對面同佢澄清!我同你雖然係有過節,唔滿意你做手法,但我都唔係做人……」
當時十姑娘強烈否認,何鴻燊又沒有真憑實據,飯局最後不歡而散。
反而後期在十姑娘身上就發生了連串暴力事件,十姑娘說:「我○二年俾人恐嚇過,依家我律師俾人襲擊兩次,我同律師會計師又俾人恐嚇,你話我應該去懷疑邊個?仲有一樣我到依家未明,點解Stanley遲唔收到風、早唔收到風,係要阿四一黐埋就收到?仲要懷疑我?」

壹週刊 2006-08-03 娛樂名人 B090 回憶錄

何超瓊分手有錢收
去年,何鴻燊曾自言「我都夠時間啦,要為仔女鋪路」,明顯想提早「分家」。外間一直揣測他的接班人不是二房長女何超瓊,就是兒子何猷龍,但何超瓊衰在男友太多,每次掟煲都要老豆俾錢補償,十姑娘話何家賭業王國,最終都是益了外姓人!最錫何猷光
梁安琪的出現,不單令十姑娘與何鴻燊的關係更為惡劣,對何鴻燊家裡幾房人的影響亦極大,他的接班人是誰,一直惹人關注。而自何鴻燊大兒子何猷光車禍逝世後,何鴻燊表面像是依賴何超瓊及何猷龍作為接班人,但其實……
十姑娘說:「原本Robert(何猷光,何鴻燊十分崇拜伯祖父何東爵士Sir Robert Hotung,所以第一個兒子亦用Robert為名)幾好,但愛之深、責之切,Stanley最唔好就係成日公司、人面前大聲鬧佢,一面都唔俾,搞到Robert好大壓力,成日都好唔開心……最後搞到出事添……唉……如果Robert仲度,今年都五十七歲啦,有佢度個局勢會穩定好多,唔使依家咁亂……時Stanley成日同我呻,話Pansy本來都聽佢話,去美國讀完大學返,成績都可以,但返到香港群埋明星……仲成日俾報紙影到(相),好麻煩。Stanley仲話:『呢個女……最好搵個有錢快嫁佢……我就少頭赤!』」
超瓊多男友
何超瓊的感情生活一向多姿多采,不但近年與楊其龍或其他男士約會,年青時曾與陳百強、張國榮及電影公司老闆交往,有數次更達至談婚論嫁的地步。有傳聞指超瓊明知父親不喜歡她與娛樂圈中人有太深入的交往,所以經常故意這樣做,作為與父親談判的籌碼,每次她與當時男友分手,都會獲得父親的補償獎勵、升職加薪分股份。求證於十姑娘,十姑娘說:「過去唔好講啦,後生細女拍多幾次拖都好正常,只要唔好玩玩就得啦……至於話升職加薪……可能係佢做得Stanley心意……Stanley鍾意咪得囉,佢打理公司一向都唔係論功行賞啦。」
據資料顯示,何超瓊1995加入父親任主席的信德集團,至近年更成為澳娛的董事(但這職位備受質疑,因為澳娛在1993年遺失了股東名冊,股東身份未能核實,又怎能召開股東會議決董事人選?)十姑娘說:「所以Pansy股東身份係唔合法。」何超瓊加入時表示不會直接參與子公司澳博的博彩業務,而主要負責澳娛的未來發展項目和策略;從資料看來,何鴻燊銳意栽培她成為接班人,十姑娘所說的像與事實不符?
猷龍難接棒
十姑娘嘆氣說:「Robert去之後,相比之下,惟有得番Pansy叫做年紀大同埋有興趣入公司搵錢,Stanley咪唯有搵佢囉,但其實佢從來冇機會管理核心業務,最主要咪就係管理Macau Tower(觀光塔)囉……論手段佢比唔上阿四,而且阿四同好多澳娛高層關係都唔簡單!○一年澳娛應該要將MVI補辦落簿手續,但Stanley指明要俾一股阿四作為交換條件先肯辦,諗都冇諗過俾Pansy做私人股東!你睇Stanley處心積慮咁多年,都係想安排阿四入澳娛做股東同董事,咁咪可以睇到邊個人Stanley心目中重要,邊個係指定接班人囉。」但何鴻燊只得一個成年男丁何猷龍,血脈相連,理應是首選接班人?
十姑娘說:「我覺得其實邊個接班仲邊度到Stanley話事,阿四霸邊度會肯嘔番出,亦因為咁Stanley先至要俾錢仔女另起爐灶。我當日唔同意Stanley俾一股阿四,又唔肯賤價賣我股份俾阿四,得罪佢呢個澳娛真正話事人,搞到Stanley到依家都唔肯承認MVI係股東,澳娛阿四都話晒事啦……佢一句唔得Stanley有咩敢做!仔女就更加冇權出聲添……Stanley細路哥幫佢打生打死有咩用?爭爭去做咩?最後咪又係益晒外姓人……」

壹週刊 2006-08-10

阿四唔要面
四太梁安琪權力擴張,野心漸大。她跟隨賭王往北京與領導人開會,但被拒諸門外,更狠批她連四姨太名份都冇!

(以下內容節錄自何婉琪即將出版的《回憶錄》)賭王穿針引線

據《霍英東傳》表示,在八六年澳門政府主動提出,要和澳娛簽署博彩專營合約的補充合約,批准澳娛的專營權延長五年,即從九七年一月一日開始延至○一年十二月三十一日,中方對這個補充合約跨越九九年極為不滿,認為是葡國政府搞小動作。這個合約修訂之際,正值中葡雙方在北京就澳門前途問題進行談判,葡國要求把歸還澳門的日期推遲至○三年,而中方則堅決在二十世紀內收回澳門,在這個敏感時刻,澳門政府將澳娛的專營權延長五年,超過中方提出的在二十世紀內,中方對此甚為不滿。李耀祺等一些中方駐澳門官員猛烈抨擊澳門政府,中方駐澳門官員及親中人士,更拒絕出席澳娛成立二十五周年盛大酒會,以行動杯葛澳門政府和澳娛。

內裡詳情究竟如何?

十姑娘爆出驚人內幕:「我只係負責管理賭場,part係Stanley同有關人等傾,唔到我理。不過事後我聽老歐(當時澳娛公司秘書歐若堅,已逝世)講,係同一個叫澳門東方基金會有關,個基金會同份延期合約差不多時間出現,由澳娛出好多錢去成立個會,之後澳娛仲俾好多錢,基金會主席係當時澳門政府大紅人孟智豪(注一),澳娛份延期跨越九九合約就係佢穿針引線,Stanley好識時務同好有辦法……」

(你當時點解唔反對?)

十姑娘說:「反咩對?佢做我至知,點反對?總之佢咁打理公司就一定搞到大家都唔開心……如果個個都開心,霍英東就唔會咁做啦……

(注二)」

暫停開戰

澳門九九年回歸後成為特區,一國兩制,但由於十姑娘與何鴻燊的爭拗不斷擴大,中、港、澳、台大肆報導,國家有關部門亦清楚事件,但基於一國兩制的原則下,並未插手,但同期有很多與中央關係密切的人出面幫助十姑娘。

十姑娘說:「咁多年來上面一直好關心我……時有一個朋友張先生都同我講要幫手,佢係開國軍政元老家屬,佢爸爸曾經係國防部長,又係將軍,手握重兵,好有影響力。」

○二年張先生曾對十姑娘說:「你們都是知名人士,繼續爭鬥影響很大,為了港澳的和諧穩定,這事情要儘快解決。你不要再花時間找律師,他們不可能解決這事情的,你先把所有官司停下來,我也會叫對方停止,你給我兩個月時間,我會給你一個圓滿的解決方法。」十姑娘當時認同張先生的方法,暫停了所有官司(由○二年八月停至十一月),往後雙方數次在北京開會商討對策,其間有中央領導人參與,會後各人對事件了解更加徹底。

阿四冇名份

而張先生果然有辦法,同年十月召了何鴻燊到北京見面,梁安琪亦要求隨行,但張先生表明不准梁安琪參加會議,若何鴻燊堅持肯定會面會不歡而散。十姑娘手持當時的會議記錄說:「有份參與的領導人都同我講,呢度係北京,中國首都,國家係一夫一妻制,做咩要帶住個無名無份女人開會?佢(阿四)一則唔係澳娛人、二則唔係Stanley太太!我當時話阿四係Stanley四姨太,澳門成日都係咁帶出啦,點知佢即刻好嚴肅咁話以前大清律例下先有姨太太,依家係新中國,阿四連姨太太名份都冇!只係Stanley身邊其中一個女人,澳門做咩佢唔理,但北京就一定唔可以發生咁事!仲話Stanley同阿四唔要面,但佢都要面!」

澳門回歸時,梁安琪曾與國家主席江澤民同台唱歌,是什麼一回事?

十姑娘看看會議記錄答:「我都有問過呢問題,佢話係澳門回歸時出現一個錯誤,佢已經做報告同檢討……指責同處罰有關失職人,國家電視台播出當日片段時,將阿四樣全部剪晒。最後佢好堅決咁話:『這件事不准再提!我們不想再聽到這個人的名字!』」

注一:孟智豪曾任澳門政府經濟、財政、旅遊司司長,並短期代理過澳督職務。

注二:據《霍英東傳》指出,一九八六年,霍英東辭去澳娛董事長及董事職務,甚至想把所持股份悉數出售給何鴻燊,但最後何鴻燊食言沒有付錢,霍英東最後把股份全數捐贈給「霍英東基金會」。

壹週刊 2006-08-17

何鴻燊:安琪太貪錢!
十姑娘與何鴻燊的錢銀瓜葛,得中方軍政界紅人「張先生」義助調解,何鴻燊情急下將事件推庄給四太梁安琪:「成件事最麻煩係安琪,佢真係太過貪錢。」搞風搞雨

何鴻燊上週公然警告金沙,不准它提高佣金搶客,並指「澳門唔係咁和平」、「一惡鬥親唔係好有型,係好危險」,十姑娘看不過眼說:「呢番說話充滿威脅同恐嚇性!澳門係法治之區,佢點可以公然挑釁政府,唔通佢以為自己係全國政協常委就有特權?其實做政協應該更加謹慎言行。」

(佢咁做法會帶來咩後果?)

十姑娘說:「嚴重影響同損害澳門社會穩定繁榮同中國政府管治威信。」

(點解有咁睇法?)

「佢公開話如果情形繼續落去會有大約五十個賭廳結業,幾千人會失業,到時『唔係咁和平』澳門會變得『好危險』,咁即係搧動某人去做一令到澳門社會不和平同危險,係咪想話俾人知澳門會變番九九回歸前咁滿城腥風血雨?邊個都唔想澳門變成咁,政府當年有能力解決事件同穩定局勢,今日都有,我覺得澳門同中央政府應該盡快制止佢再搞風搞雨,繼續坐大!」

(但係何鴻燊指金沙係惡性競爭?)

「自由市場,蝕本生意邊度會有人做呀?人加佣金都有得賺先會做,點到佢管?佢自己管治無方、唔夠人爭,冇理由製造危機出逼澳門政府幫佢搶番生意,仲想逼金沙加入佢做主席個澳門博彩總商會,叫佢做一哥、聽佢話事。」

(後果會係點?)

「佢公然驚嚇外商,令外商卻步,違反國家政策,話澳門會唔和平一定嚇親遊客,搞跨澳門經濟,佢搞分裂,破壞澳門同國家和諧穩定,製造恐慌,一定會自食其果,害人終害己。」

上京要壯膽

一向語出驚人的何鴻燊原來亦有低聲下氣的時候,就是被張先生召往北京開會時。

(下文節錄自十姑娘自傳)

北京消息靈通人士指,當初何鴻燊得知張先生(假名)義助十姑娘時,曾託人事找另一軍政紅人家族幫忙,希望可以抗衡,但被拒絕,除因張家德高望重,在軍政界極有影響力外,最重要是他們一向處事合情合理。何鴻燊唯有諸多藉口希望推卻北京之會,但礙於張大哥的影響力下,不得不從,最後唯有藉口自己不懂普通話,帶了助手蘇樹輝上路壯膽兼擔當翻譯。

張先生事前本相約十姑娘一起出席,但怕他兄妹二人見面會鬧僵,因為十姑娘曾對他說:「試過02年2月4日葡京寫字樓咁恐怖經歷,我唔想再見呢個人。」

根據當日會議實況,張先生對何鴻燊說:「何先生現在你這種做法不但破壞了家庭和諧、也為社會帶來不良的影響……如果沒有當日十姑娘拿出的二百萬資本,你投得賭牌也沒本錢開業……更何況她為你出生入死二十多年,沒有功勞也有苦勞,對一個普通的員工都不應該這樣!而且她是你的親妹妹。」

最衰係安琪

何鴻燊聽後說:「係!佢係我個妹,就算唔講做生意佢幫我咁多,的而且確起先係靠佢二百萬開始……其實我都唔想……成件事最麻煩係安琪,佢真係太過貪錢,可能係出身太窮關係,不過其實我俾佢錢都多過晒我俾其他人加埋,但佢係都要霸埋十姑娘股份先至安樂,一日最衰都係佢……冇佢唔會有呢件事。

「張先生,你好有道理,我會搞番掂件事……十姑娘咁多年同我打生打死,欠十姑娘錢就算公司唔俾,我私人都會俾!」當時蘇樹輝意圖插口阻止,但被張先生喝停:「你沒有資格發言,你不是他們家人、不是澳娛公司股東!」

何鴻燊主動認錯兼肯還錢,會議氣氛即時轉好,何鴻燊把握機會解釋:「我今次上冇準備、冇帶錢,支票都冇帶身,你將我番說話轉告十姑娘,不如俾少少時間我返去預備好,到時再約見面?」張先生相信了他的話,容許他先回澳門。會後張先生致電十姑娘報喜:「他回澳門準備錢後,會約我們見面。」

後來張先生安排第二輪會議在珠海舉行,當時何鴻燊在和解協議內願意付出二億港元誠意金給十姑娘,作為補償以表悔意,事情看似有轉機,但後來何鴻燊如何出爾反爾,演變成今天勢成水火的局面?請看下文珠海會議實錄。


壹週刊 2006-08-24

大懲罰!
何鴻燊在珠海會議中,原應承付二億港元給十姑娘作「誠意金」,後來協議書內容卻被蘇樹輝私自刪改,更訂明若十姑娘違反協議,將受到大懲罰。

(以下內容節錄自何婉琪即將出版的《回憶錄》)

時維十一月,為遷就十姑娘,會議在比較暖和的珠海舉行。

北京有關方面對第二輪會議十分重視,兩位德高望重的重量級女前輩(後輩尊稱她們為大姐,二人經常曝光發表言論)亦陪同張先生他們一起到珠海見十姑娘。

雙方初步協商擬定了一份和解協議,張先生轉述何鴻燊會中的說話:「份協議書我應承晒,咩都唔使理,乜數都唔使對,我會二億作為誠意金補償番Winnie,另外再俾多七千幾萬,係補番Winnie未收足1%純利(註1),MVI可以轉名做股東,有番晒所有股東權益,MVI可以派代表去開會……不過代表人要由我指定,仲有以後唔准發動任何官司告我,唔准同傳媒講。」

七億買股

張先生說何鴻燊雖然應承得很爽快,但蘇樹輝就自把自為即場修改協議書,刪去第一項即時替MVI登記成為澳娛股東,改為等MVI轉名禁制官司取消後才登記,又刪去「正式確認MVI自1983年3月15日起在澳娛之合法股東地位」,何鴻燊原先承諾會終止所有個人及公司名義對十姑娘的訴訟,但蘇樹輝竟改為只終止個人名義之官司!意猶未盡,蘇樹輝再加三項條文,寫滿兩張白紙,內裡包括要十姑娘及MVI確認澳娛過去之一切賬目、經營手法及歷年之分紅比例,不可作任何異議及訴訟……

十姑娘笑說:「協議書最後項最好笑,話如果我違反協議內容精神,澳娛就可以用七億買晒我股份,佢話呢個叫做『懲罰性』價格!」(待續)



(註1)九五、九六年何鴻燊突然讓十姑娘擔任執行董事,澳娛的執行董事可以獲得公司純利1%作額外酬勞,但十姑娘任執行董事就附加大量條件,第一何鴻燊要十姑娘在酬勞中扣除一百萬給何鴻展,第二他說蘇樹輝對公司貢獻很大,要十姑娘在扣除何鴻展的一百萬後,將執行董事酬勞的45%分給他(但十姑娘估計最後該筆錢應該又是被中間人取去),還承諾以上條件只須支付一年,怎知第二第三年年年如是,最過分是何鴻展九八年逝世後,仍然繼續扣十姑娘一百萬。

壹週刊 2006-08-31

十姑娘講何俊仁:我冇輸晒官司!
十姑娘代表律師何俊仁日前遇襲,何鴻燊公開回應指事件與自己及手下無關,亦不關他與十姑娘的官司事,更指十姑娘全部官司均輸晒。

(以下內容節錄自何婉琪即將出版的《回憶錄》)死亡通牒

○二與○三年,十姑娘代表律師莫超權兩次遇襲,為免其家人擔心,故十姑娘另請律師處理與何鴻燊的訴訟(十姑娘強調為保障該律師的人身安全,堅拒開名)。該律師往澳門與她的律師開會數次後,就接到澳門江湖中人的死亡通牒,指若他繼續處理有關案件就會橫屍街頭,該律師唯有向十姑娘說:「我唔係唔幫你,但命只得一條……」

當時十姑娘唯有聽從外籍會計師的建議,轉聘外籍律師,但連十姑娘在內,此三人○四年相繼收到恐嚇信,幸而未有進一步不幸事件發生,但警方至今仍未能破案。

因為澳門法定語言為中文同葡文,二人雖專業,但因語言問題引來不方便,十姑娘唯有再多找一位本地律師。

十姑娘近年比較空閒,在報章電視上留意了何俊仁很久,知他經常為弱勢社群謀福利,為人十分務實。大半年後經朋友介紹下認識,短短幾個月交往,雖然已八十多歲,十姑娘仍從何俊仁身上學懂不少東西。何律師一開始就選擇了很艱辛的路,十姑娘曾問他花這麼多時間為市民謀福利,效果並不顯著為何仍繼續?但何俊仁指若自己未有參與,情況發展可能會更差。

莫超權律師遇襲後,本地律師鮮有接手十姑娘案件,加上何律師身兼數職事務繁忙,初期擔心他會拒絕,但他很爽快就答應……加上記者問他接手官司怕不怕時,他說:「接得呢單case就無得驚,驚就連律師都做唔到。」令十姑娘很感動。

口頭想和解

十姑娘說:「何律師最初係以一個旁聽者身份去澳門法庭聽審,希望了解清楚;但澳門法庭好奇怪,通知我案件開庭時間竟然只得七至十日,我澳門律師話佢做二十幾年都未見過咁情況,我外籍律師同會計師原本係證人,由於通知咁急,佢當時在外地,冇辦法返出庭;而當時何律師開過好多次會又去過澳門法庭幾次,已經好了解事件,所以演變到後期,就由佢做我方證人,我已經俾清晰指引澳門律師同法庭,以後好多單主要案件佢都會出任主要證人。」

記者:「對何律師的印象如何?」

十姑娘說:「好好先生,佢逢星期三絕食,聲援內地維權律師……佢做事好盡責……佢遇襲前大約兩三個星期,有一日突然打,話電話唔方便講,要約見面。原來何鴻燊搵一個好有代表性中間人口頭話想和解,其實就係唔想我再刊登報紙聲明,同想賤價買我股份,我拒絕。」

何俊仁遇襲數天前,還與澳門律師開會,結合了葡國法律專家意見,在八月十五日入稟澳門法院(收件序號62957/2006),控告澳娛遺失股東名冊,若不解決這案件,估計澳娛或其任何子公司將無法上市。

何鴻燊講大話

記者:「你對何俊仁遇襲有什麼感受?」

十姑娘說:「感同身受……我自己2002年2月4日,經歷半小時好 恐怖事,到依家我都仲好驚!間中發惡夢都會諗番起件事,佢仲要俾人打成咁!我雖然係唔同年代人,但目標相同,都係不畏強權、不向強勢力低頭!(驚唔驚自己係下一個目標?)驚!但係都一定要做,仲要儘快做……我叫做有能力都唔做,等惡勢力坐大,社會會變成點?好似何律師咁,佢讀完書可以揀只打富貴官司,淨係賺錢,做咩要花時間做議員幫弱勢社群謀福利?」

記者:「何鴻燊堅決指案件與你們雙方的訴訟無關。你單單官司都輸晒。」

「警方都未有調查結果,佢點知事件同訴訟無關?我幾時有打親場場官司都輸晒?佢又度講大話,信德要我十二億賣澳娛股份單官司,我贏;澳門入稟誣告我欠錢單官司,結果係佢撤銷控訴兼俾堂費,而我香港告緊佢誹謗,同埋追番佢同蘇樹輝欠我錢單官司(案件編號HCA1097/2006),係何律師主導,未有耐開審,佢點知會贏?廢話連篇,佢只不過係又一次向傳媒講大話,搏混淆視聽!」

記者:「何鴻燊對何俊仁幫你打官司有咩反應?」

「佢對何律師幫我有咩反應我冇理,不過秘書話我知佢兩次通知我話唔喜歡何律師經常同傳媒講……佢有乜理由唔識何律師?」

記者:「何律師剛出院又收到刀片恐嚇信,你覺得事情係點?」

「我覺得好離譜,公然地一而再、再而三咁挑戰香港法治同法律,要儘快將佢繩之於法,除港澳辦向我基金會諮詢過事件外,根據報導同消息,其他有關部門都好關注,加上珠海又有賭廳的人被謀殺,所以派好多人到澳門了解內情……我諗主謀人為免除責任,搵個替死鬼寄刀片恐嚇信轉移視線,到時真兇同幕後主腦就繼續逍遙法外,邊度有人咁奇怪,掉轉程序,打完人先寄恐嚇信?」

壹週刊 2006-09-07

小時偷糖
所謂三歲定八十,細時偷針,大時偷金。十姑娘踢爆數口精到痺的何鴻燊,細細個時,已經好精,拜年糖食,個個細路只准食一粒,他就到一手都係……(以下內容節錄自何婉琪即將出版的《回憶錄》)兄妹不和外人得利

何鴻燊要求十姑娘簽署有附加條文的協議書,但遭拒絕。十姑娘說:「Stanley話如果簽呢份協議書,我就要將股票擺佢指定律師度監管,話驚我亂咁將股票賣俾外人,我即時叫張先生(中央有力人士)同佢講,我都驚佢將股票亂咁賣俾阿四呢外人,累死公司同其他股東,不如佢都將股票放我律師度;佢唔加條文我都未必簽,佢加條文之後我一定唔簽!」

張先生勸十姑娘先收取二億七千多萬,之後謹守規條就可以完結整件事,但十姑娘堅決地說:「佢可以屈我,同埋我知佢實會咁做!你千祈唔好信,佢支票都唔好信,佢寫支票都可以專登寫錯一個字等你過唔到數……總之同佢交易就要好小心……」

熱心的張先生又即時跑去對何鴻燊說:「這是你們公司股東間的事情,我們有人懂廣東話,可以替你翻譯,這樣方便談話一點。」何鴻燊表示同意,但因有要事要趕回澳門一轉,答應晚上一個人再來珠海與眾人會面商談。

當天晚上約十時,何鴻燊單獨一人由司機接載而來,會中張先生對何鴻燊分析形勢,指兄妹二人分裂肯定給人有機可乘,尤其公司中涉及利益的人一定希望他們二人關係繼續惡化。張先生說:「十姑娘與你打江山多年,你有什麼事,十姑娘也可以扶植你的子女接班,你的子女對賭場沒有管理經驗,很易被人欺騙;你的女人年紀不大,子女又年幼,你沒可能信任其他人。」何鴻燊不時點頭表示自己亦明白,聽罷沉思一會說:『欠Winnie錢公司唔俾我自己都會俾,蘇樹輝加上去條文,全部取消,就照原來你預備份協議書,我應承簽。』沒有旁人在場,何鴻燊顯得較有情理及爽快。

搵貓賴

會後眾人十分興奮,以為事情順利解決,單單十姑娘例外,十姑娘說:「我太熟識佢啦,我一都唔信佢,阿蘇(蘇樹輝)唔度,冇人幫佢做醜人,所以佢故作爽快提早鬆人,趕返去阿四度交人;佢一向鍾意賴人啦,好似細個時,去親戚屋企拜年,個個小朋友都係只准食一粒糖,佢就趁大人唔覺,到成手都係,點知唔覺意推跌個全盒,佢醒目到指住經過隻貓,話係佢推跌,冇人俾佢賴佢咪賴隻貓囉,呢次咪又係咁囉,遲兩日佢又會搵賴啦。」

何鴻燊還與眾人約定時間進行簽收程序,一如十姑娘所料,稍後張先生助手致電何鴻燊,他竟反口說:「我尊重蘇博士(蘇樹輝)修改意見,一隻字都唔可以刪改,所以依家唔簽得。」助手當時很愕然:「講緊你公司,你竟然話你秘書話唔得?!咁你推翻晒你噚晚應承事?!」但何鴻燊只是像錄音機般重複剛才的說話。

狂收告票

十姑娘分析:「由於當時我律師問澳娛公司章程同賬目睇,佢諸多推搪唔肯俾,到後來我先知道,單係公司章程第四十六條,累積盈餘同所欠股息,都成三十億,唔怪得阿蘇係要加項條文要我確認澳娛咁多年分紅比例係,仲講明簽之後唔俾追究同有法律訴訟,所以唔加呢項,佢點肯俾錢?」

緊接的一星期,十姑娘開始天天收到澳娛的告票,其中更試過一天內接到兩張告票,澳娛就是用那七、八張十姑娘預支股息的收據誣告她欠錢,還故意分開逐張入稟,令十姑娘律師要分開反駁,而放在法院的保證金亦倍升,原來澳娛就是利用這段雙方商討協議書的時間,沒有尊重承諾,全力部署入稟控告十姑娘。


壹週刊 2006-09-14

賭王送叉燒飯十姑娘:十足大牌檔
賭王為反擊金沙、迎戰永利,推出五十年前用過的舊橋——

送叉燒飯吸引賭客,十姑娘就笑何鴻燊好孤寒,「唔知幾時佢會出表演燒叉燒呢?」

(以下內容節錄自何婉琪即將出版的《回憶錄》)咎由自取

珠海會議何鴻燊失信後,北京方面就有人傳出消息,指有人意圖藉口幫助十姑娘解決爭拗,向何鴻燊勒索二億元,矛頭直指張先生,最後謠言更傳到港澳辦及有關領導人耳中,張先生事後說:「真是實力少一點都解決不了。幸好我是出於正義,不是為了私人利益。」隨後又有葡國及澳門有影響力人士出任說客,代表何鴻燊提出不平等條件,但全部被十姑娘拒絕。

澳門政府自02年正式開放賭權。當中仍有幾年的過渡期可以讓澳娛作充分的準備迎戰外資,然而何鴻燊並沒有好好把握這個時間,竟把心思及精神花在大量官司上。

最顯著的例子是,員工是公司最寶貴的資產,但何鴻燊不但未有珍惜,反而大肆刁難;澳娛的員工本來應有長期服務金,但澳娛一直不發放,迫使員工要與公司打官司,後來員工雖然贏了官司,然而澳娛仍不肯付錢,堅持要上訴、繼續打官司。

十姑娘說:「又如澳娛欠我錢的事實,人人皆知,但佢就係唔肯叫澳娛還錢,一次又一次咁搞好多小動作、發動好多無理官司,無非都係唔想還錢。先將我踢出澳娛股東,仲想賤價侵吞我的澳娛股份……人家花費龐大時間同人力物力去發展賭業,但佢就將時間精力放欺壓員工和股東上面,咁邊度會同人有得鬥?」

十姑娘指澳娛之所以出現今時今日的局面,可說是何鴻燊自食惡果。以前澳娛在澳門獨家經營賭業,可以惡晒;但如今競爭大了,員工亦有更多出路有更多選擇,也就由不得何鴻燊仍然「也文也武」了。 照目前情勢發展,情況只會愈來愈差,生意跌幅比想像中更快更大。

過時舊橋

近日推出送叉燒飯加二十蚊消費券搶客,何鴻燊好似痛定思痛,密謀對策反擊喎?

十姑娘笑說:「佢自己以為呢條係世紀絕橋……!係上世紀世紀絕橋,呢條係本世紀最差橋!佢親自將澳博定位……一個最差位,將旗下賭場定位成為「地痞大牌檔」!去吸引最孤寒客,大客要賭得豪、賭得威,係屋企冇錢開飯先至貪佢碗『差』燒飯……仲要限時限刻、一人一碗、只准堂食。佢咁大年紀,諗條咁差咁過時橋出係好必然,但我好奇怪,佢身邊竟然冇一個有才幹人……或者有但係唔敢出聲啦,澳博要競爭就唔該撤換晒全個管理層;唔捨得俾錢咪唔好做宣傳囉,咪當人係乞兒先得!唔係個個都好似你咁貪小便宜。中國政府話五十年不變,你唔好做宣傳又行呢套啦,會笑死人,話五十年前高家(高可寧)行過送叉燒飯套,話依家係歷史重演,高家檔生意都關門大吉四十幾年啦,你學咪盞又係關門大吉。好學唔學,要學學人國際化大公司點做宣傳送優惠啦。」

好失禮

據知澳門其他賭場對員工除高薪外,更有不少福利,如寬敞食堂高級自助餐任食、免費清洗制服、貯物櫃……等等,反之澳娛大本營葡京食堂欠奉,員工要自己付優惠價二十多元到葡京內餐館吃飯(但指定數種平價款式,其他食物並無優惠),貯物櫃、洗衣服亦欠奉,所以年青員工大量跳槽。十姑娘說:「我聽轉職舊伙記講佢新老闆話,食飯時候要聽音樂、睇電視、放鬆、食得好先會幫公司賺多錢。但你睇Stanley對幫佢搏殺幾十年老伙記仲係咁刻薄,所以請人客食碗叉燒飯佢自己覺得好大方啦……

「佢真係失禮,都唔知幾時會戴埋頂廚師帽出表演燒叉燒?早幾個月我深宵睇電視,見到賭場賣廣告,有隻熊貓走出講,係佢同阿四配音,我已經覺得好cheap;估唔到依家仲失禮,叫佢冇能力就早退休交俾有能之士做,咁仲有得救。」

壹週刊 2006-09-21 娛樂名人 B088 回憶錄
十姑娘︰何鴻燊賴貓怕輸
澳門永利賭場開業,葡京受壓。十姑娘直言何鴻燊從小至大性格都「死唔認輸」,小時候打麻將已怕輸;猜枚又唔夠她叻;連捉棋都賴貓,一味死撐!偷雞

澳門永利賭場開幕後,澳娛被公眾認為處於「冇得救,等死狀態」,但據資料顯示,澳娛多年來累積了約三百億盈餘、澳娛賭場點遍布全澳門、加上新葡京即將開幕會吸引不少新客人,澳娛整體實力絕對不會輸給任何對手,為何竟無力解困?

十姑娘解說:「公司盤數係話有大約三百億累積盈餘未分,其實我會計師話俾我知應該多好多,再加上子公司STDMI(澳博的控股公司)都應該有十幾二十億存度……不過,最大問題係連我都質疑錢究竟係咪仲度?定係有人落格?成日用應承澳門政府要投資發展同埋公司要留番錢做生意做理由唔肯分三百億俾股東,但佢做咩生意都要問銀行借錢、又話要上市集資先夠錢同人鬥,一都唔似有錢手,如果真係咁有錢仲要同人借?佢成日講都唔通!新葡京仲好笑,我聽人講,佢用人設計唔肯俾錢、建築費又拖得就拖,有排都未起得成!」

但澳娛刊登通告表示06年9月25日召開特別股東大會,討論及議決關於董事會提出透過一間新成立的子公司在香港進行上市之建議,莫非澳娛已重造股東名冊,可以召開股東大會議決上市一事,集資與對手一較高下?

十姑娘說:「梗係未(做好)啦,十劃都未有一撇,股東名冊官司都未開審……9月25日個會咪又係偷雞……」

唔知醜

但何鴻燊表示上市事宜已進行得七七八八,你沒有可能阻止他。

「唉,跌落地番沙唧,生意跌成咁咪放風人囉……佢成日都係咁啦,我睇死佢仲會趁新葡京開幕時整靚公司盤數,CUT緊水喉位,減少無謂支出,又吹風話可以上市……但係呢得一時唔到一世!」

十姑娘亦在電視上觀看了永利開幕儀式,對何鴻燊在鏡頭前看煙花時目瞪口呆,之後更大大讚賞,更說要寫「服」字給對手,十姑娘失笑:「煙花靚係好靚,不過如果佢近年有去過拉斯維加斯,都一定會有睇過,係佢自己過時out晒,做得呢行一定要與時並進,不停咁吸收新,唔係點同人競爭?不過最睇唔順眼係佢先前大大聲鬧對手惡性競爭,跟住轉頭就猛咁讚人,演技真係好……我識佢幾十年都未見過佢肯寫個『服』字俾人,睇都係用番條舊橋——同人扮老友搵數,想人同佢夾份搞直升機場。好似當年Sir Robert(何東爵士)好鍾意邀請佢認為年青有為後輩返屋企單獨見面,食飯傾偈,但係佢請霍英東都冇請過Stanley,可以睇到StanleySir Robert心目中地位,係Stanley自己唔知醜,成日外人面前講到同Sir Robert關係特別close咁。」

死撐

十姑娘還說早前何鴻燊出口攻擊美資對手後,被阿公施壓,指外商投資是好事,不容他胡言亂語破壞國家既定政策,所以他才肯收口及密謀對策補救;而連番受挫後,他又廣派中間人游說十姑娘,意圖令阿公方面以為他有誠意解決二人間的爭拗,但其實何鴻燊所提出的條件仍是要賤價購買十姑娘手上股份,當然被拒絕。

十姑娘提及數宗往事,證明了何鴻燊做人數十年如一日「死唔認輸、輸都要死撐」。

「細個時,我兄弟姐妹有時都會同親戚朋友坐埋打生麻雀,大多數都係我贏,Stanley好唔忿氣,終於有一次出聲,次有我同佢同埋家姐仲有一個親戚,佢話sister(妹)唔可以同場,我就話家姐都係sister點解佢可以?Stanley竟然荒謬到話家姐可以,妹就唔得,都唔知係咩道理!怕輸就怕輸啦,諸多藉口。仲有我猜枚一向出名叻,連杜月笙都唔夠我猜,但係Stanley輸過一次之後,就成世人都唔敢同我玩。就算捉棋咁小事,佢一樣唔輸得,冇棋可以賴貓唔行,拖到開飯自己走去,仲大大聲同人講盤棋未捉完,再捉落去佢自己一定會贏。
壹週刊 2006-09-28

賭王由細「明恰」十姑娘
何鴻燊因為遺失股東名冊,掀起與十姑娘的連番訴訟,十姑娘更踢爆賭王「失冊」這招,其實細細個已經用過來「靠害」她……

(以下內容節錄自何婉琪即將出版的《回憶錄》)惡人先告狀

十姑娘與何鴻燊的糾紛經歷多年仍未有解決跡象,除了是何鴻燊沒有誠意外,另一重要原因是不少有影響力人士包庇何鴻燊。這幾年蘇樹輝不下多次向身邊人士炫耀,說他與何鴻燊亦認識不少香港及國內有影響力人士,關係殊不簡單,因為何鴻燊除十分喜歡暗中提供「助學金」給有力人士的子女往外國留學外,還對「有力人士」的生活照顧有加,所有事情都由蘇樹輝一手包辦,所以這幾年有不少猛人因既得利益而出面庇護何鴻燊……

何鴻燊上年表示美資對手計劃派人爭取澳門立法會議席,所以他才派梁安琪及蘇樹輝參選;到今年他又揚言對手將陸續派人入立法會,意圖影響澳門政府施政,但澳門立法會任期四年一任,要三年後才再遴選,為何何鴻燊這麼早就投訴對手?十姑娘說:「佢一向都係咁啦,只許州官放火,不許百姓點燈!佢自己都擺個女人入澳門立法會啦,點解佢自己可以,其他對手就唔得?仲要出聲鬧人……呢咪叫做惡人先告狀囉!」

何鴻燊2002年表示澳娛遺失了股東名冊,引來十姑娘連番訴訟,指何鴻燊在遺失股東名冊下召開任何股東大會均屬無效,沒有了股東名冊亦令澳娛上市大計阻礙重重。但原來「失冊」事件八十年前亦曾發生。

出蠱惑

十姑娘四歲時(其實是兩歲半,因為中國人生日後當大一歲,到農曆新年又當大一歲)開始上學,當時上學並不是往學校上課,而是請人回家在書房教授。十姑娘的契姨婆中文很好,當時就任老師教導他們幾兄弟姐妹。開始幾日是認字,十姑娘初期當然是認不了多少字,唯有寫在紙張上慢慢再認;她怕老師翌日會查問,晚上就想溫習,但找來找去都不見了那紙張,過了平日睡眠時間仍找不到。奶媽向她說不要再找了,定是八家姐(何婉鴻)及九哥(何鴻燊)把紙張藏起來,十姑娘無計可施,唯有乖乖睡覺。翌日契姨婆果然問字,十姑娘當然不懂,契姨婆問昨天那紙張去了哪裡?十姑娘答不知道,契姨婆罵她沒有用,轉面叫八家姐及九哥來,要他們幫手找,二人不用一分鐘就找到,原來藏在書房坐椅的隙縫處。因為十姑娘認不出字及遺失了紙張,契姨婆罰她當日不准吃午飯。

幾日後十姑娘開始唸書,由「山水田、狗牛羊」開始,讀了一天,第二天書本又再神秘失蹤,十姑娘奶媽四處找尋,奶媽竟然又去書房椅子處找,十姑娘說:「當時我同奶媽講,本書咁大,點收入張椅邊,佢梗係收好高地方,等我擒唔到上去!」奶媽就專往高處找尋,但仍找不到,最後發覺當然又是八家姐及九哥藏起來,這次他們把書本捲起放進了上的花樽裡。

弄假成真

十姑娘說:「呢次唔見本股東名冊,唔知去葡京花樽度有冇可能搵得番呢?不過佢有八十幾年收埋經驗,呢次一定收得好秘密,最怕係佢人老記憶力衰退,自己都唔記得放邊,到時就弄假成真啦。」

壹週刊 2006-10-05

被炒打擊大十姑娘嚇破膽
十姑娘稱○一年除夕被無理解僱後,情緒大受衝擊,引致膽病惡化,天天以淚洗面,誓要為自己討回公道!

(以下內容節錄自何婉琪即將出版的《回憶錄》)唔簽炒你

2006年9月25日,澳娛召開股東特別大會,想不到的是澳娛及何鴻燊竟然罕有地容許MVI的代表律師進入會場;此情形並不尋常,莫非十姑娘與何鴻燊的爭拗有緩和的跡象?

不過,十姑娘並沒有因此而特別欣喜,她說:「澳娛律師同我律師講,如果將來搵番或者重做好股東名冊,確認MVI股東地位,咁我律師日個會講會有效。但開完會,何鴻燊當住咁多股東面前講唔使聽我律師講,佢話只係俾面我先俾律師入去,前言不對後語。做咩又專登誤導股東?冇股東名冊,阿三、阿四、Interdragon股東身份又點確認呀?佢俾我律師入去只不過係做表面,等人認為我同佢和解,搏搵數,實質上佢一都冇做到!同之前一樣,淨係得把口講。」

十姑娘提到多年前一次非常難忘難受的經歷,那是2001年12月31日下午約三時,十姑娘如常在葡京寫字樓辦公,秘書突然拿了一份協議書要她簽署,內容是要求她不反對何鴻燊轉讓他名下各一股澳娛股份給梁安琪、陳婉珍及何超瓊;若她肯簽名確認,澳娛就會承認MVI的股東身份。不過,考慮到此乃一份公私不分的協議,十姑娘當然拒絕簽署。到當日下午四時左右,蘇樹輝來到辦公室,他手持一份文件對十姑娘說:「你好簽啦,你唔簽,我呢度有一份解僱你公函,可以用炒你!你聽日唔使返工,呢間房亦再唔係你!」不過十姑娘堅決拒絕簽署該份協議。到五點鐘左右,十姑娘被無理即時解僱;約六點鐘,葡京的員工室就已張貼出十姑娘被解僱的告示。

食道潰爛

面對如此欺壓,十姑娘當時十分無奈,但亦沒有辦法,畢竟一個年近八十的女流之輩如何對抗?一兩天後,十姑娘感覺身體不適,專程返港入院檢查,才發覺因情緒受到衝擊而引致膽病惡化,醫生即時為她做了手術;之後亦要留院兩個星期,才可以回家休養,但仍要定時服藥及覆診。

被無理解僱後,十姑娘本想即時搬回香港與家人相聚,但因在澳門生活及工作近二十五年,在澳娛的松山宿舍留有不少物件,需要花時間和體力執拾及整理。事實上,手術後的十姑娘,身體尚未完全康復,仍得留在松山宿舍,待稍後精神體力回復才搬返香港居住。

當時的十姑娘,可謂身心俱疲,大病初癒再加上無故被解僱,情緒難免有波動,氣憤難平之下,夜夜不能安眠,須靠藥物才可稍作休息。怎知在澳門短暫停留數天後,食道痛楚頻仍。(奇怪的是,十姑娘出事前,有澳娛管理層曾秘密致電松山宿舍,詢問有關十姑娘的情況。)

十姑娘自己也感到身體不妥,即時返港找醫生進行詳細檢驗,經過兩位名醫會診,證實十姑娘食道中間有部分被嚴重腐蝕,若不及時治理,該食道部位數天內就會完全爛掉,可能有性命危險!聰明如十姑娘,太清楚自己的處境了,她說:「兩位首屈一指專家醫生對我講,行醫幾十年都未見過咁病例。」

醫院過新年

可憐十姑娘留醫至二月仍未可以出院,一生人首次在農曆新年期間於醫院度過,傷感與痛楚導致她幾乎日日以淚洗面,足足哭了一個月,身心受創的傷痛可以向誰傾訴呢?十姑娘明白哭泣不是辦法,最終還得靠自己站起來。她對自己講,「唔可以再咁樣落去,我可以咩都冇晒,但點都要為自己番個公道!」由那一天開始,十姑娘不再哭了!

到二○○二年二月四日,因為約了澳娛公司秘書及會計師,到澳門葡京寫字樓查詢翌日股東大會的議程,十姑娘特地向醫院告假外出。醫生雖然批准,臨行向她千叮萬囑,一定不可以動氣,因為手術後未完全康復,情緒太激動會影響身體狀況,因為她在醫院仍要插喉管,拔掉後仍見手部有腫脹。

在親友及律師陪同下,十姑娘當日十二點到達葡京,一眾人等乘電梯上九樓公司秘書房間。十姑娘記憶猶新,「我從來都未去過呢間房,一出電梯,就嚇一跳。嘩!乜事咁大陣仗,條走廊有成十個以上喀兵企度,我好奇怪,點解如臨大敵?當時有個女人走出來,應該係公司秘書助手,佢過將我同其他人分開。行兩級樓梯上到間房,我發覺陪同我人都被攔住唔俾再行……入到房之後,我發覺連我律師歐安利都俾人攔住唔俾入!……」

當時孤立無援的十姑娘如何面對?(待續)

壹週刊 2006-10-12 娛樂名人 B094 回憶錄

十姑娘:自己人夾埋何鴻燊害我!
十姑娘的子女家興及慧貞,為了利益竟倒轉槍頭,與親母反目,而何鴻燊就對二人照顧有加。

(以下內容節錄自何婉琪即將出版的《回憶錄》)吳志誠厚面皮

今年國慶期間,十姑娘出席北京一個宴會時,突然有一個滿頭白髮、手拿酒杯的男士從遠處急步行向她,當時十姑娘對身旁的人說:「我唔要同佢傾偈,你幫我問佢兩個問題,第一,公司欠我錢幾時肯還?第二,點解我律師俾人打?問完之後請佢走。」

那人是十姑娘在澳娛工作時的秘書吳志誠(他現今已變成澳博董事兼營運總裁),他一聽到兩個問題先是愕然,繼而氣憤,但極短時間內就在臉上擠出笑容說:「今日唔講呢,我埋係問候十姑娘!」

十姑娘一直未有理睬,但他竟厚面皮繼續站在十姑娘身後,希望與十姑娘碰杯,再三被趕仍不肯離去。十姑娘心想他到底是跟自己出身,為給主人家面子和解決僵局,就對他說:「喂,你欠我錢幾時還?」

吳志誠見十姑娘肯開腔,即時笑容滿面地說:「唔係我管轄範圍……我都係打工。」

十姑娘說:「咁幾時肯承認我公司係股東?」

吳志誠答:「係股東就係股東,唔係股東就唔係股東。」

他當時答得很小心謹慎,好像怕對話會被人拿去作呈堂證供一樣。十姑娘心想他什麼都不肯說為什麼又跑過來,有什麼企圖?細心環顧四周,原來坐了不少港澳賓客,看來吳志誠是要在眾人面前顯示與十姑娘稔熟(因現場嘈雜,所以二人談話時距離很接近)。

子女被人指使

為了令他知難而退,十姑娘轉換話題:「聽人講你同阿四好親密?」

吳志誠一聽面青:「咁消息十姑娘你都聽到?(隨即陪笑臉)阿四係我老闆,老闆吩咐我做咩我都要做。」

十姑娘打斷他的話:「阿四幾時做老闆?本簿(股東名冊)都唔見,可以有新股東入咩?」

吳志誠繼續解釋:「我都唔知唔識,總之老細叫我做咩我就做咩。」

十姑娘問:「阿貞(女兒麥慧貞)同家興(十姑娘兒子)仲有冇公司做?」

不問猶可,一問更,吳志誠竟說:「你放心呀,我照顧得佢好好,你放心,我會一路照顧佢。」

十姑娘一直只是懷疑有人指使二人控告她,現在真相大白。十姑娘用眼神示意身旁的人打發吳志誠,自己坐沉思。

十姑娘說:「佢兩個人,我唔單止供書教學,好多年之前,已經俾好多錢同資產佢,足夠佢過一世,估唔到咁都唔滿足。我以前又冇講過死之後唔分錢俾佢……依家原來係成班人夾埋佢兩個害我!咁點算有誠意去解決件事?想要傾,呢班人先去搞掂佢兩個告我單無謂官司先啦……」

冇屋住冇車坐

2002珠海會議,何鴻燊藉詞蘇樹輝反對而失信,未有簽署協議書後,蘇樹輝再未有與十姑娘方面接觸,但在2006國慶前,他罕有地透過滿威利基金會委員說希望與十姑娘洽談。

十姑娘說:「一個係咁!兩個又係咁……根本佢冇誠意為公司好,去解決件事,個個都係為自己。論手段吳志誠仲厲害過蘇樹輝,當日Stanley夾埋佢兩個用一個極度唔合理價錢,千幾萬買7%澳博股份,佢兩個發夢有日上到市,可以有成四十億落袋!利益衝突到暈(蘇樹輝為澳娛經理兼股東大會主席、澳博董事及信德集團之執行董事)!所以咪不理一切咁要搵我傾囉!厚面皮到鬧幾次都唔肯走,仲要……要解決件事,先誠意出,唔好次次空口講白話。」

上回說到十姑娘被迫單獨進入澳娛公司秘書的房間。澳娛公司秘書的房間很大,在寫字的另一邊擺有一套梳化椅,何鴻燊、蘇樹輝及吳志誠均在,反而秘書就坐在自己的座位上,未有接近他們。十姑娘還未坐下,何鴻燊就搶說:「我知你到,所以我趕(直升)機過,我今日過就係要簽呢份(當時何鴻燊手持一個公文袋)。」

十姑娘問:「係咩?」

何鴻燊說:「你唔使睇啦,你得一個辦法……就係簽佢!如果你唔簽,你就咩都冇晒!」

十姑娘再問:「點樣咩都冇晒?」

何鴻燊開始動氣提高聲線說:「冇松山間屋住(澳娛在澳門松山有宿舍讓高級職員及董事居住),冇車坐(公司一向提供司機及專用車輛給十姑娘使用),冇董事同執行董事做,我一個仙都唔會再分俾你,你快好簽!」(待續)


壹週刊 2006-10-19

十姑娘藥水被調包


十姑娘因「受驚」引致血壓急升,要定時服藥調息,怎料竟有人乘機偷換了支加料藥水給她服用……

(以下內容節錄自何婉琪即將出版的《回憶錄》)出口術

何鴻燊在二○○六年八月中旬才公開斥責對手賭場以高回佣搶客,令澳博蒙受極大損失,光是上半年貴賓廳業績已比去年同期大跌兩成;當時他更直指:「唔好以為澳門咁和平!」

他亦坦稱澳博有三分一的貴賓廳(約五十間)面臨倒閉!不過到九月下旬,何鴻燊卻大改口風,聲稱澳博市場佔有率仍為六成以上,貴賓廳業務情況轉好,他對業績感到滿意云云;短短一個多月,澳博變得生意滔滔,何鴻燊果然神乎其技!

對此,十姑娘一語踢爆:「又係靠出口術……我一早講中啦……佢為上市(何鴻燊在二○○六年九月廿五日澳娛特別股東大會後,公布子公司會申請來港上市),一定要唱好公司業績。事關生意大跌,搵邊個去出錢買你股票呢?對手愈開愈多(賭)場,競爭愈愈大,佢管治依然咁差、支出又大,加上外圍客觀環境又無大變化,點有可能個幾月間生意大升囉,唔通送叉燒飯同月餅,真係吸引到咁多客?咁樣說話連三歲小朋友都唔會信啦!難為佢講得出口,仲要咁短時間內改口風。」

逼簽文件

上回說到十姑娘拒絕簽署同意書,何鴻燊當時怒不可遏,而在旁的吳志誠(十姑娘在澳娛的秘書)則扮好心的俯身對十姑娘說:「十姑娘,你都係聽你九哥話啦,如果唔係,你會好蝕底。」

十姑娘即時說:「我點可以無端端簽份,睇都未睇過?」

何鴻燊聽到十姑娘這樣說更加動氣,一臉怒容;十姑娘從未見過他這樣兇惡,感覺驚慌。她表示自己患病剛從醫院出來,仍未完全康復,更即時提起手讓何鴻燊看她紅腫之處,怎知何鴻燊竟然殘忍地一掌大力的拍打十姑娘的手!

十姑娘更感驚慌,眼見眾人圍她、毫無讓她離開之意,而她非但孤立無援,兼且又未有帶備藥物在身,怎知還會有什麼事可以發生?在求助無門之際……幸好歐安利找人送上有他手提電話的字條,並傳話若十姑娘有事可以即時致電給他。十姑娘說:「Stanley好醒目,一見到咁情形,就知道我律師已經有所行動,所以即時起身離開,臨走仲鬧我唔聽佢話就係錯,我乜都冇啦,一毫子都冇!佢咁樣做,根本就係恐嚇我!」

神秘藥水

何鴻燊離開後,十姑娘亦隨即步出房間,在場眾人亦不敢加以阻撓。與此同時,機警的歐安利律師眼見十姑娘被人強行帶入房,久未有音訊,即時打電話召喚司警,警方到場之時,恰好正是十姑娘脫險之際。

事件令十姑娘受驚,引至血壓急升,返港後又要即時入院接受治療,直至二月中旬才可出院,但回家後仍要依時服藥。十姑娘說:「出院晚,我同屋企人講其中一種藥水味道好刺激好難飲,可唔可以唔飲,佢即時打電話問醫院,醫院方面調查之後,話支藥水並非佢提供!原來有人偷偷將支藥水混入醫院包藥裡面,繼續想害我。」說到這事,十姑娘猶有餘悸。

十姑娘地位尊崇,在澳娛更是一人之下、萬人之上,何況她平日為人既友善又隨和,相當有義氣,根本沒有人會加害於她。然而,這些日子來,為何屢遭毒手?落手者又是誰?

十姑娘說:「我知係邊個做,不過就算報警拉佢又如何?始終都唔會拉到個主使幕後黑手。其實我心裡有數係邊個主使。乜都係衰人搞出,咁多年來,來來去去都係佢搞事!我在澳門二十幾年,何曾試過有人會想搞我?」


壹週刊 2006-10-26

十姑娘逃出澳門

十姑娘與何鴻燊的紛爭糾纏多年仍未解決,本月初十姑娘終贏得兩場官司,但她回想當年被禁錮後,被迫逃離澳門,仍猶有餘悸……(以下內容節錄自何婉琪即將出版的《回憶錄》)受驚逃亡

○二年二月四日,十姑娘脫險時嚇至口不能言,身旁人士即時為她量度血壓,休息了個多小時後才稍為平靜下來。歐安利這時忠告十姑娘,剛才被禁錮時只得她單獨在場,未有旁人作證明,若此時離去,就會被當作自動放棄股東權利(不看翌日會議記錄),會議又不會因此改期,對事情影響極大,加上司警當時還在場,十姑娘勉為其難答允由歐安利,再安排與澳娛公司秘書會面……

歐安利陪同十姑娘再回九樓,何鴻燊竟然還在,他當時手按一疊類似賬簿的文件,表示他一日在生,十姑娘不要妄想查數,何鴻燊當時發狂似的大喝十姑娘:「我呢份文件你簽佢!」何鴻燊當時的嘴臉,絕非平日可見,十姑娘隔了多年重提仍猶有餘悸。

十姑娘明白在當時情況下,自己絕無可能安全地查看會議文件,而何鴻燊所指的文件自己不肯亦不應簽署,一簽就會喪失應有的股東權益。

為免十姑娘再受驚嚇,歐安利即時護送她離開,十姑娘十分感激歐安利一連兩次救她脫離險境。



身兼澳門行政、立法會議員與保安部隊及保安部門紀律監察委員會主席的歐安利,當時亦感到事態嚴重,誰能保障十姑娘的人身安全?眾人商議後,要求十姑娘即時回香港,避免再有不幸事件發生;十姑娘雖然一向處事精明冷靜,但亦被當日的突發情況嚇怕了,唯有接受眾人的意見,她又病又累加上恐慌,身體情況絕無可能支持到司警處花冗長時間錄取口供,眾人要她儘快回香港醫院診治,再由香港律師到醫院替她錄取口供。

但隨即想到這一別後,可能永遠再沒機會返回澳門,二十多年來在澳門工作,十姑娘留了不少有紀念性及貴重物件在松山宿舍,一定要取回,迫不得已下,唯有逃難似的返回松山,儘快收拾細軟,十姑娘不敢驚動任何人,怕何鴻燊得知消息再加阻攔,收拾時,十姑娘突感萬念俱灰,曾想放棄一切……

健康轉壞

十姑娘雖然儘量不動聲色,但她在松山飼養的七、八頭愛犬,像知道主人這次一走就不會再回來,整晚面露依依不捨的眼神望十姑娘,她雖然萬分不忍,但為了人身安全,只好匆匆地離開這個生活了二十五年的地方;由松山至碼頭到上船,沿途十姑娘一直處於驚恐狀態。

十姑娘回香港後即時入院檢驗及休養,醫生立刻為她治理及再度插上喉管,心力交瘁的十姑娘雖然強行支撐,但律師為她錄取口供時連番嘔吐,悽慘之情令在場人士惻然。

經過五年的努力,十姑娘終在最近贏得兩宗(註)決定性關鍵官司,澳娛及信德都要承擔全部訴訟費用;根據澳門法例,若任何公司遺失股東名冊,股票就是最好的股東身份證明,但據資料表示,澳娛其他股東早前已向法庭表明不能交出任何股票以作證明。

阻止開會

十姑娘說:「咁多個(股東)得我有股票,我都唔知佢點重做股東名冊?點證明自己係間公司老闆?佢冇通知亦唔准我公司代表入去開股東大會,用成隊喀阻擋我公司代表,試問全世界邊度會有公司阻止股東入去開會?有股票證明就唔俾入,冇證明就通行無阻,呢個係咩世界?佢成日帶住女人招搖過市、生霸死霸、縱容下屬、無視法紀、欺壓拍檔股東……咁做同土皇帝有咩分別?中央依家連陳良宇都拉,你就知中央決心反腐倡廉啦!我深信現今領導人管治之下,呢壞人好快會俾人拉晒,香港同澳門會越越好。」

註:澳門終審法院在○六年十月初作出判決,就澳娛要求重做股東名冊引發的訴訟,裁定十姑娘一方勝訴,十姑娘一方有權就其於八三年三月十五日轉讓予MVI(滿威利公司)之澳娛股票作為有效證據及理據供法庭審核,澳娛更要承擔該案多年來的所有訴訟費用;而另一宗有關信德公司入稟澳門法庭,要求以十二億葡幣賤價購買十姑娘所擁有的澳娛股份訴訟,法庭亦判十姑娘一方勝訴,信德放棄上訴並須承擔全部訴訟費用。